ალბათ, სახელგანთქმული ჯაზის კომპოზიტორის ედი პალმიერის პუორტორიკოელ ცოლს კარგი მრჩეველი არ ჰყავდა, თორემ მეგობრის ქმარს „თვალს არ დაადგამდა“ და შარში არ გაეხვეოდა.
პალმიერის მეგობარი ქალბატონი, 81 წლის მარია კარტახენა დიდი ხნის მანძილზე ეჭვობდა, რომ კომპოზიტორის ცოლი მის ქმართან რომანის გაბმას ცდილობდა.
ქალმა ბევრ ფიქრსა და ურთიერთობების გარკვევას მოქმედება არჩია - ჩანთიდან 38 კალიბრის პისტოლეტი ამოიღო და ირაიდას მიმართულებით ისროლა.
კომპოზიტორის ცოლი სიკვდილს გადაურჩა, თუმცა თავში მძიმედ დაიჭრა.
სასამართლოზე კარტახენა ამტკიცებდა, რომ პირველად მაკრატლით შეიარაღებული პალმიერი დაესხა თავს და ის მხოლოდ თავს იცავდა.
ეჭვიან ბებიას, ხანდაზმულობის გამო, სავარაუდოდ, პატიმრობიდან მალე გაათავისუფლებენ, თუმცა მექალთანე ბაბუებისა და მათი თაყვანისმცემლებისთვის ეს კარგი გაკვეთილი იქნება.
81 წლის ქალმა ეჭვიანობის გამო მეტოქეს თავში ესროლა
იცით თუ არა...
მსოფლიოში ხანდაზმულ კრიმინალთა რაოდენობა ყოველწლიურად მატულობს. სტატისტიკის თანახმად, „ჯიბის ქურდობით“, მოზარდებზე მეტად, პენსიონერები არიან დაკავებული. მაგალითად, იაპონიაში, ბოლო ათ წელიწადში, 65 წელს გადაცილებულ მოქალაქეთა მიერ დანაშაულის ჩადენის ფაქტები ორჯერ გაიზარდა. ამიტომ ფრთხილად იყავით ნერვიულ ბაბუებთან და ბებიებთან.
© ყველა უფლება დაცულია MELON
