ჩრდილოეთი კორეა
მაგალითად, სამხრეთ აფრიკის რესპუბლიკაში გამართულ მსოფლიო ჩემპიონატზე პორტუგალიის ნაკრებთან გამანადგურებელი ანგარიშით 7:0 წაგების შემდეგ, კიმ ჩენ ირის ბრძანებით, ჩრდილოეთ კორეის საფეხბურთო ნაკრების მთავარი მწვრთნელი კიმ ჯონ ჰუნი საკონცენტრაციო ბანაკში გაგზავნეს.
მწვრთნელმა აღიარა, რომ წაგება მისი პირადი შეცდომის გამო მოხდა, რითიც დასახვრეტად გამზადებული ფეხბურთელების სიცოცხლე იხსნა. 1966 წლის მსოფლიო ჩემპიონატის მეოთხედფინალში წაგების შემდეგ, ნაკრების ყველა მოთამაშე (ერთი თავდამსხმელის გარდა) საკონცენტრაციო ბანაკში გაგზავნეს.
ჩინეთის ნაკრები
2013 წელს ჩინეთის საფეხბურთო ნაკრებმა ტაილანდის ნაკრებთან 1:5 წააგო. ყველაზე ცუდი ის იყო, რომ ეს სამწუხარო ფაქტი ჩინეთის კომუნისტური პარტიის გენერალური მდივნის სი ცზინპინის 60 წლის იუბილეს დაემთხვა. მალე ფეხბურთის ფედერაციის პრეზიდენტი, მისი მოადგილე და საფეხბურთო ნაკრების კაპიტანი 10 წლით ციხეში გაამწესეს, ხოლო ნაკრების ოთხ წევრს 4-წლიანი პატიმრობა მიუსაჯეს. თამაშის არბიტრს ლიუ იუნს, რომელიც 2002 წლის მსოფლიო ჩემპიონატზე მსაჯობდა და აზიის საუკეთესო მსაჯად იყო აღიარებული, სასიკვდილო განაჩენი ელოდა, მაგრამ ბოლო მომენტში შეიწყალეს.
ნიგერიის ნაკრები
ნიგერიის პრეზიდენტმა გუდლაკ ჯონათანმა მსოფლიო ჩემპიონატზე წაგების შემდეგ ქვეყნის საფეხბურთო ნაკრებში სერიოზული რეორგანიზაცია დაიწყო და ეროვნულ გუნდს ორი წლით ჩემპიონატებში მონაწილეობა აუკრძალა
სალვადორი და ჰონდურასი
ჰონდურასის ნაკრების წაგებას მარადიულ და პრინციპულ მეტოქესთან - სალვადორის ნაკრებთან ნამდვილი ომი მოჰყვა. 1969 წლის 24 ივნისს სალვადორმა შეიარაღებული ძალების მობილიზაცია დაიწყო. მიუხედავად იმისა, რომ ომი მხოლოდ 6 დღეს გაგრძელდა, კონფლიქტს 6 000-ზე მეტი ადამიანი შეეწირა.
საბჭოთა კავშირის ნაკრები
1952 წლის ოლიმპიადაზე სსრკ-სა და იუგოსლავიის ნაკრები გუნდების შეხვედრას სტალინისთვის პრინციპული მნიშვნელობა ჰქონდა - საბჭოთა ბელადს მოკავშირე ქვეყნის დაუმორჩილებელი ლიდერისთვის - ბროზ ტიტოსთვის ჭკუის სწავლება უნდოდა, თუმცა საბჭოთა ნაკრებმა თამაში 3:1 წააგო.
სახლში დაბრუნებულ ფეხბურთელებს კრემლიდან ორი ბრძანება ელოდათ: ერთი - საფეხბურთო გუნდ ЦДСА-ს დაშლის შესახებ (რომელიც ნაკრების მთავარ ხერხემალს წარმოადგენდა) და გუნდის მწვრთნელისა და რამდენიმე მოთამაშისთვის სპორტის დამსახურებული ოსტატების წოდების ჩამორთმევა.