რაზე მიგვანიშნებს ფრინველების მასობრივი ხოცვა?

მკვლევართა ჯგუფმა, რომელსაც ვაშინგტონის უნივერსიტეტის პროფესორი ჯული პერიში (Julia Parrish) ხელმძღვანელობს, ამერიკის დასავლეთ სანაპიროზე ფრინველების მასობრივი ხოცვის მიზეზად გლობალური დათბობა და ოკეანის ტემპერატურის მატება დაასახელეს.

2014 წელს ოკეანის სანაპირო ზოლზე, კალიფორნიიდან კოლუმბიამდე 250 000-დან 500 000-მდე მკვდარი ფრინველი აღმოაჩინეს. როგორც გაირკვა, 2013-2015 წლებში წყნარი ოკეანის სანაპირო ზოლში წყლის მკვეთრი დათბობა დაიწყო, რასაც გრილი წყლის მოყვარული ზოოპლანქტონის რაოდენობის კლება მოჰყვა. შესაბამისად, ფრინველები საკვების გარეშე დარჩნენ და დაიხოცნენ.

2014 წლის ზაფხულამდე ჩრდილოეთ ამერიკის სანაპირო ზოლი გრილ, საკვებით მდიდარ წყალს ინარჩუნებდა, თუმცა შემოდგომაზე ოკეანის ცირკულაცია შეიცვალა, რასაც ფრინველების მასობრივი ხოცვა მოჰყვა.

მეცნიერების განმარტებით, გლობალური დათბობის პარალელურად, წყნარი ოკეანის ჩრდილოეთ ნაწილში წყლის ტემპერატურა კვლავაც მოიმატებს და მსგავსი შემთხვევები კიდევ უფრო გახშირდება. სავარაუდოდ, 2014 წლის შემთხვევა ბუნების ერთგვარი ექსპერიმენტია, რომელიც საბოლოო სურათის დანახვის საშუალებას იძლევა.