ავსტრალიის ხელისუფლება აპირებს, სანქციები დააწესოს იმ მშობლებისთვის, რომლებმაც შვილების ვაქცინაციაზე უარი თქვეს.
სამთავრობო პროგრამის თანახმად, რომლის სახელია: „არ აცრი, არ გექნება ფული“, ოჯახს სახელმწიფოს მიერ ბავშვისთვის გამოყოფილი თანხიდან ყოველ არავაქცინირებულ ბავშვზე კვირაში $20 დააკლდება.
იმუნიზაცია დაავადებისგან ბავშვის დაცვის ყველაზე უსაფრთხო მეთოდია.
მშობელი, რომელიც შვილის ვაქცინაციაზე უარს ამბობს, მხოლოდ საკუთარ შვილს კი არა, სხვის შვილებსაც საფრთხეს უქმნის, - განაცხადა ავსტრალიის სოციალური მომსახურების მინისტრმა დენ ტეხანმა.
თუმცა, გამონაკლისიც არსებობს. აცრისგან თავისუფლდებიან ის ბავშვები, რომლებსაც ეპიდემიური დაავადებებისგან ბუნებრივი იმუნიტეტი იცავთ და ისინი, ვისთვისაც ვაქცინაცია საფრთხის შემცველია.