ამომავალი მზის ქვეყნის მოქალაქეებმა იაპონია-კოლუმბიის შესარჩევი მატჩის შემდეგ სტადიონის ტრიბუნები გულმოდგინედ დაასუფთავეს და იაპონური კულტურის განსხვავებულობა მთელ საფეხბურთო სამყაროს დაანახვეს.
იაპონელ გულშემატკივრებს უზარმაზარი ნაგვის პარკები ჰქონდათ მოტანილი. თამაშის დასრულებისთანავე, მათ რიგებში ჩამოიარეს და იქაურობა გულმოდგინედ დაასუფთავეს.
„ეს იაპონური კულტურის ნაწილია, რომელიც ფეხბურთსაც ეხება. სისუფთავე და წესრიგი მხოლოდ სახლში და ქუჩაში კი არა, ფეხბურთის დროსაც აუცილებელია“, - განაცხადა სკოტ მაკინტაირმა, რომელიც რუსეთში იაპონიის საფეხბურთო გუნდთან ერთად ჩავიდა.
იაპონელი გულშემატკივრები საკუთარი ცხოვრების სტილით ამაყობენ და დანარჩენი მსოფლიოსთვის მაგალითის მიმცემები ხდებიან.