ანიკას დანახვაზე ყველა შოკირებული დარჩა. ახალშობილს ტვინიც ორი აქვს, სხვა მხრივ კი, ის დანარჩენი ბავშვებისგან არაფრით განსხვავდება.
იშვიათ მდგომარეობას, რომლის დროსაც ჩვილს ერთი სხეული და სასიცოცხლოდ მნიშვნელოვანი ორგანოების ერთი ნაკრები, მაგრამ ორი სახე და ტვინი აქვს, დიპროზოპი ჰქვია. როგორც წესი, ამ დაავადების მქონე ბავშვები დაბადებისთანავე იღუპებიან.
დიპროზოპის დროს ტყუპისცალი დედის საშოში ვერ ვითარდება, თუმცა საშიში დეფორმაციის გარდა, დილან ანდიკას ჰიდროცეფალიაც აწუხებს - თავის ტვინის დაავადება, რომელსაც ტვინში სითხის დაგროვება იწვევს. ამ დაავადებამ შეიძლება გამოიწვიოს მეხსიერების, მეტყველებისა და მხედველობის პრობლემები, ასევე, ეპილეფსია.
თავისი მდგომარეობის გამო, მშობლებს ბიჭუნას გამოკვება ზონდით უწევთ. დილანის მშობლებისთვის ორსახიანი შვილი ნამდვილ განსაცდელად იქცა. ისინი ხვდებიან, რომ შვილის სიცოცხლის შენარჩუნებისთვის ძვირად ღირებული მკურნალობაა საჭირო, თუმცა ადგილობრივ ექიმებს განუვითარებელი ტყუპისცალის მოცილების ოპერაცია ჯერჯერობით ნაადრევად მიაჩნიათ.