ტეხასის უნივერსიტეტის მკვლევარებმა დაადგინეს, რომ ტიტანი E171-ის დიოქსიდმა, რომელიც კბილის პასტის წარმოებასა და კოსმეტოლოგიაში გამოიყენება, შეიძლება დიაბეტი გამოიწვიოს, - წერს სამედიცინო გამოცემა Chemical Research in Toxicology.
სტატიაში აღნიშნულია, რომ ზემოხსენებული ქიმიური ნივთიერება კვების მრეწველობასა და კოსმეტიკაში ნივთებისთვის სიქათქათის მისანიჭებლად გამოიყენება და ადამიანისთვის უვნებლად ითვლება.
E171-ის შესახებ შუა საუკუნეებში გახდა ცნობილი, როცა ამ ნივთიერებამ ტყვიის შემცველი, მავნე საღებავები ჩაანაცვლა. 1970-იან წლებში მას მასობრივად მოიხმარდნენ. სწორედ ამ პერიოდში ოთხჯერ გაიზარდა დიაბეტით დაავადებულთა რაოდენობა.
ექსპერიმენტების შემდეგ მკვლევარებმა დაადგინეს, რომ დიაბეტით დაავადებული თერთმეტი პაციენტიდან რვას აღმოაჩნდა ნივთიერება, რომელსაც კბილის პასტა შეიცავს. შესაბამისად, დაასკვნეს, რომ ტიტანის დიოქსიდს შეუძლია მეორე ტიპის შაქრიანი დიაბეტის გამოწვევა.
ამჟამად მეცნიერები აპირებენ, კვლევების შედეგები ადამიანთა დიდ ჯგუფებზე გამოსცადონ.