სულ ცოტა ხნის წინ კომპანიის გამორჩეულმა თანამშრომლებმა, ინდოეთის ეროვნულ დღესასწაულზე, ბოსისგან საჩუქრად ავტომობილები და საცხოვრებელი ბინები მიიღეს.
მთლიანად დხოლაკიამ საჩუქრად 1260 ავტომანქანა და 400 საცხოვრებელი ბინა დაარიგა. საჩუქრების საერთო ღირებულებამ 7,7 მილიონი დოლარი შეადგინა.
„Hare Krishna Exports“ მფლობელი უკვე მრავალი წელია, თავისი კომპანიის თანამშრომლებს ძვირფასი საჩუქრებით ანებივრებს, რისთვისაც ინდოეთში ყველაზე გულუხვი ბიზნესმენი შეარქვეს.
2014 წელს მან კომპანიის 1200 თანამშრომელს საჩუქრად 200 ბინა, 400 ავტომობილი და ძვირფასეულობის 500 ნაკრები გადასცა.
დხოლაკიას თქმით, არსებობის 25 წლის მანძილზე კომპანია კარგად განვითარდა და დიდი მოგება ნახა.
„Hare Krishna Exports“ მსოფლიოს 70-ზე მეტ ქვეყანაში ყოველწლიურად 700 მილიონი დოლარის ბრილიანტის ექსპორტს ახდენს, მაგრამ ჩემს თანამშრომლებზე ძვირფასი არაფერი გამაჩნია“, - ამბობს გულუხვი ბიზნესმენი.
რაც შეეხება ინდოეთის ეროვნულ დღესასწაულ დივალის, რომელზეც დხოლაკიამ საჩუქრები დაარიგა, კეთილის ბოროტზე გამარჯვების აღსანიშნავად იმართება.