კომპანიის გამოგონება დედამიწის ნებისმიერ წერტილში მყოფ შეყვარებულებს საშუალებას მისცემს, საყვარელი ადამიანის გულისცემა მაშინაც კი იგრძნოს, როცა ის ძალიან შორსაა. „ჭკვიანი ბეჭედი“, რომელიც თითქოს ფანტასტიკის სფეროს განეკუთვნება, აღჭურვილია გადამცემი მოწყობილობებით, რომელიც ორ ბეჭედს ერთმანეთთან აკავშირებს და სინქრონიზებულია სმარტფონის Bluetooth-თან. ბეჭედზე ორჯერ თითის დაჭერით, მონაცემები ერთი მოწყობილობიდან მეორეს ინტერნეტით გადაეცემა და ეკრანზე გულის მოციმციმე ინდიკატორები ჩნდება. გამომგონებლებმა სამკაულის ვიზუალურ მხარესა და გამძლეობაზეც იზრუნეს. ბეჭედი დამზადებულია უჟანგავი ფოლადის ან ვარდისფერი ოქროსა და მონოლითური საფირის მინისგან და თითზე ლამაზად გამოიყურება. კომპანია აცხადებს, რომ აქტიური გამოყენების რეჟიმში HB Ring ელემენტს დამუხტვის გარეშე 14 საათი შეუძლია მუშაობა. ლოდინის რეჟიმში კი ეს დრო 160 საათამდე იზრდება. „ჭკვიანი ბეჭდები“ მხოლოდ წყვილებად იყიდება. უჟანგავი ფოლადის შემთხვევაში, მისი ფასი 599 დოლარია. ვარდისფერი ოქროსგან დამზადებული წყვილის შეძენა კი 2990 დოლარად არის შესაძლებელი.