გრასას პირველი ქმარი 11 წლის განმავლობაში მოზამბიკის პრეზიდენტი სამორ მოიზეს მაშელი იყო. იგი 1986 წელს მომხდარ ავიაკატასტროფაში დაიღუპა.
პირველი ქმრის გარდაცვალებიდან 12 წლის შემდეგ, 52 წლის გრასა სამხრეთ აფრიკის რესპუბლიკის პირველი ფერადკანიანი პრეზიდენტის ნელსონ მანდელას მეუღლე გახდა.
აღსანიშნავია, რომ როგორც პირველ, ისე მეორე მეუღლესთან გრასა მაშელი საკმაოდ სერიოზულ პოლიტიკურ ცხოვრებას ეწეოდა.
ერთხანს მოზამბიკის განმათავისუფლებელი ფრონტის წევრი იყო და კულტურისა და განათლების მინისტრის პოსტები ეკავა.
უცხოური ენების ცოდნამ მისი საერთაშორისო კავშირები უფრო გააღრმავა და გააფართოვა.
გრასა თანამშრომლობდა სხვადასხვა ევროპულ და საერთაშორისო ორგანიზაციებთან და ქალთა და ბავშვთა უფლებების აქტიური დამცველი იყო.