მშვენიერი ფორნარინა რაფაელს დანახვისთანავე შეუყვარდა, მამისგან გამოისყიდა და მისთვის ზღაპრული სილამაზის სახლი იქირავა.
ქალთან, რომელსაც სილამაზის იდეალად მიიჩნევდა, რაფაელმა სიცოცხლის ბოლომდე - 12 წელი იცხოვრა.
თავად ფორნარინა თავისი მწყალობლის მიმართ ერთგულებით არ გამოირჩეოდა და მხატვარს მის მოწაფეებთან და კლიენტებთან ღალატობდა.
რაფაელის გარდაცვალების შემდეგ, ქალის რეპუტაციის გამო, რომის პაპმა მისთვის სამძიმრის თქმა არ ისურვა, თუმცა, ყველაფრის მიუხედავად, სწორედ ფორნარინას სახეა შემონახული ნახატზე, რომელიც მსოფლიო მხატვრობის ისტორიაში ხელოვნების სწორუპოვარ ნიმუშად რჩება.
კომპოზიციის ცენტრში, ღრუბლებში გამოსახული ღვთისმშობელი მშვიდად და დაჯერებულად მოემართება ხალხისკენ და ქრისტე მოჰყავს...
აღსანიშნავია, რომ რაფაელის მადონების უმეტესობას მხატვრის საყვარელი ქალის - ფორნარინას სახე აქვს.