ისრაელში ჰარი პოტერის საფლავი აღმოაჩინეს

ისრაელის ქალაქის რამლეს სამხედრო სასაფლაოზე ახალგაზრდა ჯარისკაცის, სახელად ჰარი პოტერის საფლავი მდებარეობს. „უბრალო ჯარისკაცის ჰარი პოტერის სახსოვრად (ნომერი 5251351), რომელიც 1939 წელს 19 წლის ასაკში ქალაქ ჰერონაში სამხედრო ოპერაციის დროს დაიღუპა,“ -  იტყობინება წარწერა  ინგლისელი ჯარისკაცის საფლავის ქვაზე.

როგორც ირკვევა, ახალგაზრდა ჰარი ინგლისის მეფის გეორგ VI-ის ჯარისკაცი იყო და ვუსტერშირის ბატალიონში მსახურობდა.
სწორედ მისი ბატალიონი გაგზავნეს პალესტინაში, სადაც არაბებსა და ებრაელებს შორის სტატუს-კვოს შენარჩუნებისთვის მიმდინარეობდა ბრძოლა.
ჰარი პოტერის საფლავმა უამრავი ტურისტის ყურადღება მიიპყრო და 2007 წელს სრულიად დამსახურებუად მიენიჭა ისრაელის ყველაზე პოპულარულ საფლავის სტატუსი.

კიდევ ერთი საინტერესო ფაქტი: კომისიამ, რომელიც ომში გარდაცვლილი სამხედროების საქმეებს სწავლობს, განაცხადა, რომ მათთვის ჰარი პოტერის სახელით და გვარით 20 საფლავის შესახებ არის ცნობილი, თუმცა მათ შორის მხოლოდ „რამლელი ჰარის“ საფლავი გახდა პოპულარული და დღემდე უამრავი მნახველი ჰყავს.