რატომ მოუხადა Facebook-მა ბოდიში ფილიპინელებს?

ფილიპინების დროშის თავისებურებათა არცოდნის გამო, სულ ახლახან სოციალურ ქსელ Facebook-ს ამ სახელმწიფოსთვის ბოდიში მოხდა მოუწია.
საქმე ის გახლავთ, რომ ფილიპინების დამოუკიდებლობის 117-ე წლისთავზე სოციალურმა ქსელმა, მისალოც ტექსტთან ერთად, ფილიპინების დროშა უკუღმა, წითელი ფერით ზემოთ დადო.
როდესაც Facebook-ის წარმომადგენლებს განუმარტეს, რომ ფილიპინები დროშას ფერების ასეთი მიმდევრობით მხოლოდ ომის შემთხვევაში იყენებს, სოციალური ქსელის წარმომადგენელმა ფილიპინებს ბოდიში მოუხადა:
„ბოდიშს ვიხდით. ჩვენ ვზრუნავთ ჩვენს ფილიპინელ მომხმარებლებზე და გვინდოდა, მათთვის დამოუკიდებლობის დღე მიგველოცა, თუმცა შეცდომა მოგვივიდა“.
ფილიპინების ეროვნული სიმბოლო1898 წლის 12 ივნისს მიიღეს.
დროშაზე ოქროს მზე და მისი რვა სხივი თავისუფლებასა და სახელმწიფოს რვა პროვინციას განასახიერებს; ვარსკვლავები ფილიპინების შემადგენელ სამ კუნძულოვან ჯგუფს წარმოადგენს: ლუსონი, ბისაის კუნძულები და მინდანაო. თეთრი სამკუთხედი მშვიდობისა და სიწმინდის სიმბოლოა; ლურჯი და წითელი კი - პატრიოტიზმისა და სიმამაცისა.