ფაქტი, რომელზეც გიამბობთ, სამხრეთ აფრიკაში, კოტ-დ`ივუარში 1950 წელს მოხდა, ანუ დამოუკიდებლობის გამოცხადებამდე 10 წლით ადრე.
იმ დროისთვის (1960 წლამდე) კოტ-დ`ივუარი საფრანგეთის კოლონია იყო და ქვეყნის ოფიციალურ ენად ფრანგული ენა იყო გამოცხადებული.
ვიქტორ ბიაკა-ბოდა 1913 წლის 25 თებერვალს, სამხრეთ აფრიკაში,
კოტ-დ`ივუარში დაიბადა და ქვეყნის მოსახლეობის მეტ-ნაკლებად ცივილიზებულ ნაწილს წარმოადგენდა.
ერთ დროს მკურნალმა-შამანმა, შემდეგ კი იურისტმა ბიაკა-ბოდამ პოლიტიკური კარიერისთვის სახელიც შეიცვალა და ვიქტორი დაირქვა.
შემდეგ ის კოტ-დ`ივუარის დემოკრატიულ პარტიაში შევიდა, საიდანაც 1948 წელს ფრანგულ სენატში აირჩიეს.
1950 წლის იანვარში, მორიგი არჩევნების მოახლოებისას, ვიქტორ ბიაკა-ბოდა საფრანგეთიდან კოტ-დ`ივუარში დაბრუნდა და საკუთარი საარჩევნო კამპანია წამოიწყო.
ისე მოხდა, რომ საარჩევნო კამპანიის მიმდინარეობისას, ერთი სოფლიდან მეორეში გასავლის დროს, ბიაკა-ბოდას მანქანა გაფუჭდა.
მძღოლი მანქანის დაუყოვნებლივ შეკეთებას შეუდგა, ვიქტორი კი მზისგან თავის დასაცავად თუ ბუნებრივი მოთხოვნილებების დასაკმაყოფილებლად, ჯუნგლებში შევიდა. მას შემდეგ პოლიტიკოსი აღარავის უნახავს, ყოველ შემთხვევაში - ნორმალურ მდგომარეობაში.
28 იანვარს, ბიაკა-ბოდას გაუჩინარების ადგილიდან უახლოესი სოფლის მახლობლად, ვიქტორ ბიაკა-ბოდას ტანსაცმელი და ნივთები იპოვეს. გვერდით აკურატულად ეწყო ადამიანის ძვლები.
გამოძიებამ, რომელიც ორი დღის განმავლობაში გრძელდებოდა, დაასკვნა, რომ ვიქტორ ბიაკა-ბოდა ადგილობრივი ელექტორატის წარმომადგენელმა კანიბალებმა შეჭამეს.