ამერიკელი მომღერლისა და მსახიობის ჯასტინ ტიმბერლეიკისთვის შობა ყველაზე საყვარელი დღესასწაულია, ამიტომ საახალწლო სუფრისთვის მზადებაც დიდ სიამოვნებას ანიჭებს. „კოსმოპოლიტენის“, „ელისა“ და „თინ ფიფლის“ მიერ პლანეტის ყველაზე სექსუალურ მამაკაცად დასახელებულმა ჯასტინმა სოციალურ ქსელებში ფოტო განათავსა, რომელზეც საახალწლო კერძების მზადების პროცესშია აღბეჭდილი.
პერის ჰილტონისთვის საუკეთესო სანტა-კლაუსი საკუთარი ძაღლია. მსახიობი და მომღერალი შობის დღესასწაულს, ტრადიციულად, ჰილტონების ოჯახურ სასტუმროში, ყველაზე ახლობელ ადამიანებთან ერთად ხვდება. შემდეგ კი სახლიდან მიდის და დილამდე მეგობრებთან ერთად ერთობა.
ექსტრავაგანტურობით ცნობილი ამერიკელი მომღერალი მადონა ერთ-ერთ საშობაო ღონისძიებაზე სტუმრებს ნაძვის ხის კოსტიუმში გამოწყობილი გამოეცხადა.
საახალწლო სურვილების ჩაფიქრება სანტა-კლაუსის მუხლებზე წამოსკუპებულს ურჩევნია ამერიკელ მსახიობსა და მოდელს კიმ კარდაშიანს. კიმი დარწმუნებულია, რომ ასე სურვილები გაცილებით სწრაფად აუსრულდება.
ტელეწამყვანი ქსენია სობჩაკი, რომელსაც საკუთარ გარეგნობაზე ხუმრობა უყვარს, ცხენის წელს ორიგინალურ კოსტიუმში გამოწყობილი შეხვდა.
ბიონსე შობის შესახვედრად ყოველ წელს განსაკუთრებულად ემზადება. არ უნდა გაგიკვირდეთ, თუ შობის წინა დღეებში ნიუ-იორკის ქუჩებში ასე გამოწყობილი მომღერალი შეგხვდათ.
რამდენიმე წლის წინათ სელინ დიონის ქმარს, პროდიუსერ რენე ანჯელილის ავთვისებიანი სიმსივნე დაუდგინეს. მას შემდეგ მომღერალი ცდილობდა, რაც შეიძლება მეტი დრო გაეტარებინა საყვარელი ქმრის გვერდით. 2016 წელს სელინ დიონის ქმარი გარდაიცვალა, ამიტომ ჯერჯერობით უცნობია, სად და ვისთან ერთად შეხვდება მომღერალი ახალ წელს.
მსახიობი ჯულია რობერტსი შობას, ტრადიციულად, ოჯახურ გარემოში ხვდება. ის ყოველწლიურად თავად ამზადებს საზეიმო სუფრას თავისი ოჯახის წევრებისა და სტუმრებისთვის. სავარაუდოდ, გამონაკლისი არც ახალი 2017 წელი იქნება.
