აღმოჩენის დღიდან მოყოლებული, ანტარქტიდის კუთვნილებაზე პრეტენზიებს მუდმივად გამოთქვამდნენ ინგლისი, არგენტინა, ჩილე, ნორვეგია, ავსტრალია, ახალი ზელანდია, საფრანგეთი და ამერიკა.
1959 წლის 1-ელ დეკემბერს მიღებული კონვენციის თანახმად, ანტარქტიდა არც ერთ სახელმწიფოს არ ეკუთვნის და მის ტერიტორიაზე მხოლოდ სამეცნიერო საქმიანობაა ნებადართული.
სამხრეთ კონტინენტზე აკრძალულია სამხედრო ობიექტების განთავსება და სამხრეთ განედის 60 გრადუსზე ახლოს სამხედრო გემების მიახლოება.
1980 წელს ანტარქტიდა ბირთვული შეიარაღებისგან თავისუფალ ზონად გამოაცხადეს, რაც მის წყლებში ატომმზიდი გემების, ხოლო ხმელეთზე ატომური ენერგობლოკების არსებობას გამორიცხავს.
შეთანხმებას ხელი 28 სახელმწიფომ (ხმის უფლებით) მოაწერა. ათობით ქვეყანა კი პროცესში დამკვირვებლის სტატუსით მონაწილეობდა.
ამჟამად, მეცნიერული კვლევებისთვის განკუთვნილ ნეიტრალურ ზონას მინიჭებული აქვს ზედა დონის ინტერნეტდომენი და სატელეფონო კოდი +672.