სტიპენდია უნგრელი სტუდენტებისა და მკვლევრებისთვის

აღნიშნული პროგრამა ითვალისწინებს უნგრეთის მოქალაქეების დაფინანსებას საქართველოში, სწავლება/სწავლის სრული ან არასრული დატვირთვის რეჟიმის მქონე სამაგისტრო ან სადოქტორო, მათ შორის ინგლისურენოვან პროგრამებზე/კურსებზე სწავლის, ასევე საზაფხულო სკოლებსა და კვლევებში მონაწილეობის მიღების მიზნით.

სასტიპენდიო პროგრამის ფარგლებში საგანმანათლებლო კურსები შეთავაზებული იქნება განათლების საერთაშორისო ცენტრის პარტნიორი უნივერსიტეტების მიერ. უნგრელ სტუდენტებს აგრეთვე შესაძლებლობა ექნებათ ჩამოვიდნენ საქართველოში ინდივიდუალური კვლევითი პროექტებით.

კონკურსის გამარჯვებულებს გამოავლენს შესაბამისი მიმღები უმაღლესი საგანმანათლებლო დაწესებულება.

დაფინანსებული სტიპენდიატები უზრუნველყოფილნი იქნებიან: უფასო სასწავლო კურსით, სამედიცინო დაზღვევითა და სტიპენდიით - 800 ლარის ოდენობით.

კონკურსანტთა განაცხადები მიიღება: 2022 წლის 16 მაისიდან 2022 წლის 30 ივნისის ჩათვლით (თბილისის დროით 21:00 საათი; ცენტრალური ევროპის დროით 19:00 საათი).

კონკურსანტებმა რეგისტრაცია უნდა გაიარონ ელექტრონულად განათლების საერთაშორისო ცენტრის სააპლიკაციო სისტემაში - www.iec.gov.ge.

უფრო ვრცლად საკონკურსო პროცედურების, წარმოსადგენი დოკუმენტაციისა თუ ცენტრის პარტნიორი უმაღლესი საგანმანათლებლო დაწესებულების მიერ შეთავაზებული კურსების შესახებ იხილეთ პროგრამის აღწერა:

https://iec.gov.ge/%E1%83%9E%E1%83%A0%E1%83%9D%E1%83%92%E1%83%A0%E1%83%90%E1%83%9B%E1%83%94%E1%83%91%E1%83%98/2022-2023-%E1%83%A1%E1%83%90%E1%83%A1%E1%83%AC%E1%83%90%E1%83%95%E1%83%9A%E1%83%9D-%E1%83%AC%E1%83%94%E1%83%9A%E1%83%98/Scholarship-for-Hungarian-Students-and-Researchers-2022.