ბუშტულებიანი ცელოფანი კონდიციონერის ნაცვლად - აშშ-ში გამოცდილი პრაქტიკა

ამერიკელი ფიზიკოსი ჯანი ედუარდი ამტკიცებს, რომ ბუშტულებიან ცელოფანს Bubble Wrap-ს ნაწილობრივ, კონდიციონერის ჩანაცვლება შეუძლია.

როგორც აღმოჩნდა, ფირის ბუშტუკებში არსებული ჰაერი შესანიშნავი თერმოიზოლატორია, რომელიც ზაფხულობით სიგრილის, ხოლო ზამთარში სითბოს შენარჩუნებაში გვეხმარება.

ჯანი ედუარდი გამოთვლებზე დაყრდნობით აცხადებს, რომ ბუშტუკების ფენა საიზოლაციო მინაპაკეტის მეორე ფენას ანაცვლებს, თანაც - ფანჯრების მოდერნიზების გარეშე.

იმისათვის, რომ სახლი ზაფხულის სიცხისგან დაიცვათ, Bubble Wrap-ის გრძელი ნაჭერი დაგჭირდებათ. იდეალური ვარიანტია, როდესაც ბუშტულები ფირის ორივე მხარეს აქვს.

ფანჯარაზე ფირი შეგიძლიათ, წებოვანი ლენტით დააფიქსიროთ, მაგრამ უმჯობესია, უბრალო წყალი გამოიყენოთ. სუფთა მინაზე წყალი მიაფრქვიეთ და ბუშტუკებიანი ფირი ფრთხილად მიამაგრეთ.

აღსანიშნავია, რომ ასეთი ფირი სინათლეს კარგად ატარებს, სამაგიეროდ, გარედან რთულია იმის დანახვა, რა ხდება ოთახში.

საჭიროების შემთხვევაში ბუშტულებიან ფირს ადვილად მოხსნით და სასურველ დროს ხელახლა გამოიყენებთ.

🔰🔰🔰:

ბუშტულებიანი ცელოფანი Bubble Wrap - რისთვის შექმნეს ის თავდაპირველად?

ჰაერის გაგრილება - რჩევები მათთვის, ვისაც კონდიციონერი არ აქვს ან არ უყვარს

სხეულის გაგრილება იაპონურად - როგორ იცავენ მზისგან თავს ამომავალი მზის ქვეყანაში?