10 საუკეთესო დეტექტიური სერიალი

1. „ტვინ პიქსი“/Twin Peaks

ეს სერიალი ყველა დროის ერთ-ერთ საუკეთესო სერიალად არის აღიარებული. ის დღემდე პოპულარულია, მიუხედავად იმისა, რომ მისი პირველი სეზონი 1990 წელს გადაიღეს. მომდევნო წელს მეორე სეზონიც გამოვიდა, მაგრამ ის ჩავარდა - სრული კრახი განიცადა. და აი, 2017 წელს სტარტი აიღო ამ ამოუცნობმა ისტორიამ და კარგი რეიტინგიც დადო. საოცარია, რომ მესამე სეზონზეც თითქმის იმავე გუნდმა იმუშავა, რომელმაც 1990 წელს პირველი სეზონი გადაიღო.

2. „წმინდა ინგლისური მკვლელობა“/ Midsomer murders

ეს სერიალი, უბრალოდ, იდეალურია მათთვის, ვისაც ინგლისური კლასიკა უყვარს. ის შექმნილია კეროლაინ გრემის რომანების მიხედვით. თითოეული სერია - ეს არის სისხლიანი დანაშაულისა და ელეგანტური დეტექტივების, რომლებიც აუღელვებლად იძიებენ საქმეებს გამოგონილ საგრაფო მიდსომერში, ჰარმონიული სინთეზი. ეს სერიალი 1997 წელს დაიწყო და დღესაც გრძელდება.

3. „ძვლები“/Bones (2005-2017)

ეს სერიალი, შეიძლება ითქვას, დღეგრძელი გამოდგა - ის 12 სეზონი გრძელდებოდა და 2017 წელს დასრულდა. სიუჟეტის ცენტრშია ანთროპოლოგების გუნდი, რომელიც „ეფბიაისთან“ თანამშრომლობს. ექიმ ბრენანი და მისი თანამშრომლები ჩონჩხების გამოკვლევით ხსნიან დანაშაულებს.

4. „იფიქრო, როგორც დამნაშავემ“/Criminal Minds

ეს სერიალი 2005 წელს დაიწყო და დღემდე გრძელდება. მოცემულ მომენტში მე-13 სეზონის გადაღებები მიმდინარეობს. სიუჟეტის ცენტრშია „ებიაის“ სპეციალისტთა გუნდი, რომლებიც სერიულ მკვლელობებს იძიებს. ისინი დამნაშავის ფსიქოლოგიურ პორტრეტს ადგენენ და ცდილობენ, ისე იფიქრონ, როგორც ის ფიქრობს. ამ ხნის განმავლობაში მსახიობთა შემადგენლობა არაერთხელ შეიცვალა, მაგრამ სერიალის რეიტინგი ძველებურად მაღალია.

5. „სიცრუის თეორია“/Lie to Me

ფსიქოლოგიური დეტექტივი „სიცრუის თეორია“ უზარმაზარი პოპულარობით სარგებლობდა სამი სეზონის განმავლობაში. სიუჟეტის ცენტრშია ექიმი ლეიტმანი, რომელიც მხოლოდ ერთ რამეშია დარწმუნებული - ყველა ცრუობს. მას მიკროსკოპიული ჟესტითაც კი შეუძლია ამოიცნოს სიცრუე, რითაც ძალიან ეხმარება „ეფბიაის“ დანაშაულების გამოძიებაში. სერიალში მთავარ როლს ბრიტანელი ტიმ როტი ასრულებს.

6. „თეთრი საყელო“/ White Collar

გასართობი სერიალი „თეთრი საყელო“ აფერისტი ნილ კეფის ისტორიას მოგითხრობთ, რომელიც „ეფბიაის“ კლანჭებში აღმოჩნდება და თავისუფლების სანაცვლოდ მათთან თანამშრომლობას დასთანხმდება. დეტექტივ ბიორკთან ერთად ნილი მოხვდება „ეფბიაის“ განყოფილებაში, სახელწოდებით „თეთრი საყელო“, სერიალი 2009 წლიდან 2014 წლამდე, მთელი ექვსი სეზონი გრძელდებოდა.

7. „კასლი“/Castle (2009-2016)

ეს სერიალი 2016 წელს მე-8 სეზონით დასრულდა. დეტექტიური ისტორიების ცენტრშია მწერალი რიჩარდ კასლი. მოულოდნელად მისით ინტერესდება დეტექტივი ნიუ-იორკიდან კეიტ ბეკეტი. მწერალი გამომძიებელთა გუნდში ხვდება და მათთან ერთად ხსნის არაერთ დანაშაულს.

8. „შერლოკი“/Sherlock

ბრიტანული „შერლოკის“ რეიტინგს ვერაფერი შეედრება. სახელწოდებიდან ნათელია, რომ ეს სერიალი ცნობილ დეტექტივზეა. ოღონდ აქ ის 21-ე საუკუნეში ცხოვრობს და აშკარა პრობლემები აქვს გარე სამყაროსთან. მთავარ როლშია ბენედიქტ კემბერბეტჩი, რომელმაც „შერლოკს“ მსოფლიო აღიარება მოუტანა.

9. „ნამდვილი დეტექტივი“/ True Detective

ეს სერიალი 2014 წელს გამოვიდა და ამ მომენტისთვის მხოლოდ 3 სეზონია გადაღებული. პირველმა სეზონმა ნამდვილი ფურორი მოახდინა და არაერთი ჯილდო დაიმსახურა. პირველ სეზონში მაყურებელმა მეთიუ მაკკონახისა და ვუდი ჰარელსონის ტანდემი იხილა, მეორეში კოლინ ფარელის შეუდარებელი ოსტატობით დატკბა, მესამეში კი მაშარჰალა ალის არაჩვეულებრივმა აქტიორულმა ნიჭმა გაიბრწყინა.

10. „როგორ ავიცილოთ სასჯელი მკვლელობისთვის“/How to Get Away with Murder

ეს სერიალი ოფიციალურად ფლობს იურიდიული თრილერის წოდებას და ის სტუდენტი იურისტებისა და მათი ამოუცნობი პროფესორის ანალიზ კიტინგის შესახებ მოგვითხრობს. ტელეეკრანებზე გამოსვლისთანავე სერიალმა კრიტიკოსების მაღალი შეფასება და არაერთი ჯილდო დაიმსახურა.

🔰🔰🔰:

აგათა კრისტის დეტექტივები და მათი 5 საუკეთესო ეკრანიზაცია

ლეგენდარული ფილმები, რომლებიც ქალებმა გადაიღეს

მერილ სტრიპის 10 საუკეთესო ფილმი

5 ფილმი აკრძალულ სიყვარულზე