იაპონიამ დისტანციური მუშაობისთვის მინიატურული „სახლის ოფისების“ წარმოება დაიწყო
16:31 სამ. 21 სექტემბერი, 2021 წელი
იაპონური დიზაინი თავისი სიმარტივით და მინიმალიზმით არის ცნობილი. ახლაც, პანდემიის დროს, დისტანციური მუშაობისთვის სამუშაო სივრცის სიმცირის პრობლემას, რაც ბევრ იაპონელს შეექმნა, პატარა „სახლის ოფისებით“ უპასუხა.
Hanare Zen (ჰანარე ზენი) 91 სმ სიგანისა და 1.8 მეტრის სიგრძის კეთილმოწყობილი ოთახია, რომელსაც მსხვილი სამშენებლო კომპანია KI Star Real Estate სთავაზობს ადამიანებს, რომლებიც სახლში არასამუშაო პირობებმა დაღალა.
„ჰანარე“ იაპონურად ცალკე მყოფს, განმარტოვებულს ნიშნავს, ხოლო „ზენი“ ჩინური იეროგლიფების მსგავსად იწერება და ბუდიზმს ნიშნავს.
„თავდაპირველად, ჰანარე ზენი შევქმენით, როგორც ერთგვარი შემნახველი ოთახი, მაგრამ პანდემიის დაწყების შემდეგ მისი სამუშაო სივრცედ გადაკეთება გადავწყვიტეთ,“ - ამბობს კომპანია KI Star Real Estate წარმომადგენელი ჩისა ჩუჩიამა.
ჰანარე ზენის ღირებულება 547 800 იენია (დაახლოებით, $5000) და ჯერჯერობით ის მხოლოდ ტოკიოს და მიმდებარე პრეფექტურების მცხოვრებლებისთვის არის ხელმისაწვდომი. მოკლედ, იყიდე და დადგი, სადაც გინდა...
საქმე ის გახლავთ, რომ ტოკიოში მოსახლეობის 70% პატარა ბინებში ცხოვრობს და კარანტინის პერიოდში მშვიდ გარემოში მუშაობა მათთვის პრობლემას წარმოადგენდა. ამიტომ ბევრმა იაპონელმა საკუთარი მანქანაში მოაწყო დროებით ოფისი.
საქმე იქამდე მივიდა, რომ იაპონელებმა ავტომობილში მუშაობისთვის სხვადასხვა აქსესუარების შეძენა დაიწყეს: სტენდები საჭეზე დამონტაჟებული კომპიუტერებისთვის, დასაკეცი მაგიდები, პორტატული ელემენტები და ფანჯრებზე გადასაკრავი ფირები.
ტოკიოს სამხრეთით მდებარე კავასაკიში მდებარე რკინიგზის კომპანია უფრო შორს წავიდა და ძველი ვაგონების, ბილეთების გასაყიდი სალაროების და კიოსკების სამუშაო სივრცეებად გადაკეთება და გაქირავება დაიწყო.
იაპონური გამოცემის, Mainichi Shimbun ჩატარებული გამოკითხვის თანახმად, პანდემიის დასრულების შემდეგაც კი იაპონური კორპორაციების 90% დისტანციური მუშაობის სტრატეგიის გაგრძელებას გეგმავს, რომელიც დამსაქმებლისთვისაც და დასაქმებულისთვისაც ხელსაყრელია.
ფოტოზე: მინი-ოფისის ექსტერიერი და ინტერიერი
🔰:
სიახლეები ამავე კატეგორიიდან