მიკროსახლები უსახლკაროებისთვის - როგორ აპირებს ბრიტანეთი პრობლემის გადაჭრას?
14:00 ოთხ. 5 მაისი, 2021 წელი
გეგმის თანახმად, iKozies მიკროსახლებმა ინგლისში უსახლკარობის პრობლემა უნდა გადაჭრან. პირველი ადამიანი, ვინც ასეთ სახლში ცხოვრება გამოსცადა, 17 წლის ბიჭია. ქუჩაში გატარებული ერთი წლის შემდეგ კირან ევანსს შესაძლებლობა მიეცა ახალ სახლში ახალი ცხოვრება დაეწყო.
პროექტი უსახლკარო ადამიანების დახმარების ფონდმა შექმნა, რომელიც თავისი ქველმოქმედებით ცნობილია. გეგმის მიხედვით, მიკროსახლებში მცხოვრებ ადამიანებს მხოლოდ იჯარისა და წყლის საფასურის გადახდა მოუწევთ. წარმატების შემთხვევაში, iKozies სახლები მთელი ქვეყნის ტერიტორიაზე გამოჩნდება.
ყველა საჭირო საყოფაცხოვრებო ტექნიკით აღჭურვილი საცხოვრებელი ფართი მხოლოდ 17 კვ. მეტრს შეადგენს. მიკროსახლის ფასი 54 ათასი დოლარია, რაც უძრავი ქონების ადგილობრივი ბაზრისთვის უმნიშვნელო საფასურია.
სახლი დამონტაჟებულია ზედაპირულ საძირკველზე და ერთი ადამიანის კომფორტულ ცხოვრებას უზრუნველყოფს.
ფოლადის კარკასის სახურავი დაფარულია გოფრირებული რკინით. დაუჯერებელია, მაგრამ სახლს შესანიშნავი იზოლაცია აქვს, ამიტომ დოკუმენტებში აღნიშნულია ენერგოეფექტურობის კლასი "A". შესაბამისად, მიკროსახლის მცხოვრებს ხმაური ვერ დაურღვევს მშვიდ ძილს.
მცირე ზომის მიუხედავად, iKozie კარგად შემუშავებული და ფუნქციონალურია. სახლში არის მისაღები ოთახი, საძინებელი, სამზარეულო, აბაზანა და სარეცხის მანქანაც კი.
სახლის ერთადერთი ნაკლი ოდნავ მოკლე საწოლია, მაგრამ, დიზაინერების თქმით, ეს იძულებითი კომპრომისია, რის გარეშეც სხვა ნივთები, უბრალოდ, არ მოთავსდებოდა.
სიახლეები ამავე კატეგორიიდან