ჩემი ოცნების თევზი
თავის ქვეყანაში პროგრესული იდეებით ცნობილმა არაბმა შეიხმა გადაწყვიტა, იემენში ორაგული მოეშენებინა. მაგრამ ეს ხომ შეუძლებელია. სწორედ ასე ფიქრობდა დოქტორი ალფრედ ჯონსი, ცოტა ჩაკეტილი, მაგრამ ნიჭიერი მეცნიერი, იქთიოლოგი. მაგრამ ხომ შეიძლება, სტერეოტიპები შეცვალო? უდაბნოში ორაგულის მოშენება კარგი მიზეზია მრავალფეროვანი ემოციებისთვის. მით უფრო, რომ სასიამოვნო გუნდი შეიკრიბა.
დუელანტი
თადარიგის ოფიცერი იაკოვლევი ფულის გულისთვის დუელებზე გადის. XIX საუკუნის დუელის რუსული კოდექსის მიხედვით, მონაწილეს დუელისთვის თავისი შემცვლელის მოძებნის უფლება ჰქონდა. ამიტომაც ახალგაზრდა ოფიცერი სხვების ღირსებების დასაცავად იბრძვის. ცხოვრებაში მისი ერთადერთი მისწრაფება ყოფილი აზნაურ კოლიჩევისთვის ტიტულის აღდგენაა, მაგრამ საქმეში და-ძმა ტუჩკოვები ერევიან და საქმეებს კიდევ უფრო ბურდავენ.
ფოკუსი
დამწყები თაღლითი ჯესი თაღლით ნიკის გაიცნობს და დაითანხმებს, ამ რთულ პროფესიაში მისი მასწავლებელი გახდეს. მაგრამ, სამწუხაროდ, რომანტიკული ურთიერთობა „ბიზნესს“ ხელს უშლის - ამ საქმეს ხომ ცივი გონება სჭირდება. მთავარ როლის შემსრულებლები მარგო რობი და უილ სმიტი ამ ფილმის გადაღების შემდეგ საუკეთესო მეგობრები გახდნენ.