1. ამნეზია / Absentia
გამოძიების ფედერალური ბიუროს აგენტი ემილი ბირნი, რომელიც ბოსტონის ერთ-ერთი ყველაზე ცნობილი სერიული მკვლელის საქმეს იძიებს, უკვალოდ ქრება. ექვსი წლის შემდეგ მას მიტოვებულ სახლში პოულობენ. მაგრამ ემილის არაფერი ახსოვს, რაც ამ ექვსი წლის მანძილზე მოხდა. შეძლებს ემილი, გატაცების დეტალები გაიხსენოს და დაუბრუნდეს ოჯახს, რომელსაც უკვე ახალი ცხოვრება აქვს.
როლებში: სტანა კატიკი, პატრიკ ჰიუსინგერი, კარა ტეობოლდი, ემბერ აგარი, ბრუნო ბიჩირი, ანხელ ბუნანი...
2. ტაბუ / Taboo
თავგადასავლების მოყვარული ჯეიმს კეზიაჰ დელეინი 10 წლის განმავლობაში დაკარგულად მიიჩნეოდა, თუმცა მამას სჯერა, რომ მისი შვილი ცოცხალია. მართლაც, ჯეიმსი ლონდონში ბრუნდება, რათა „თავისი თამაში“ დაიწყოს და სავაჭრო იმპერია ააშენოს. მოქმედება მე-19 საუკუნის დასაწყისში ხდება.
როლებში: ტომ ჰარდი, ლეო ბილი, უნა ჩაპლინი, რიჩარდ დიკსონი, დევიდ ჰეიმანი, მაიკლ კელი, დენი ლიგაირი, ჯონათან პრაისი, როი ტორნი, სკრუბიუს პიპი...
3. მხევლის წიგნი / The Handmaid's Tale
წარმოიდგინეთ სამყარო, სადაც ქალებს ეკრძალებათ მუშაობა, საკუთრების ფლობა, სიყვარული, ოჯახის შექმნა, ქუჩაში სიარული. ეკრძალებათ, გამოიყურებოდნენ ისე, როგორც თავად სურთ, ისაუბრონ და მოიქცნენ ისე, როგორც საჭიროდ მიიჩნევენ... ისინი მხოლოდ მამაკაცების მიერ დადგენილ, მათთვის მკაცრად განსაზღვრულ ფუნქციებს ასრულებენ, ეს ყველაფერი კი ღმერთისა და რელიგიის სახელით ხდება. სერიალი მარგარეტ ეტვუდის ამავე სახელწოდების რომანის ბრწყინვალე ეკრანიზაციაა.
როლებში: ელიზაბეტ მოსი, ჯოზეფ ფაინსი, ივონ სტრაჰოვსკი, ალექსის ბლედენი, ო. ტ. ფაგბენლი, მაქს მინგელა...
4. 13 მიზეზი / 13 Reasons Why
თინეიჯერი კლეი ჯენსენი ერთ დღეს სახლის კართან უცნაურ ყუთს იპოვის, რომელშიც 13 აუდიოკასეტა დევს. მათში ჩაწერილია კლეის თანაკლასელის ჰანა ბეიკერის ხმაა. ამ ამბავში კი უცნაური ის არის, რომ გოგონამ თავი მოიკლა. ჩანაწერებში ჰანა ამხელს 13 მიზეზს, რატომ ჩაიდინა თვითმკვლელობა.
მსახიობები: დილან მინეტი, კეტრინ ლანგფორდი, ჯასტინ პრენტისი...
5. ამერიკელი ღმერთები / American Gods
ეს არის სერიალი ძველი და ახალი ღმერთების ბრძოლაზე. სიუჟეტის ცენტრშია მამაკაცი, სახლად შედოუ (აჩრდილი). მას ცოლი დაეღუპა და მის დაკრძალვაზე შინ ბრუნდება. თუმცა ამ დროს მის ყურადღებას უცნაური ადამიანი მიიპყრობს, რომელიც საკუთარ თავს მისტერ ოთხშაბათს ეძახის. მან შედოუზე ბევრად მეტი იცის, ვიდრე ეს შესაძლებელია…
მსახიობები: იან მაკშეინი, რიკი უიტლი, პაბლო შრაიბერი, ბრუს ლენგლი, ემილი ბრაუნინგი, ორლანდო ჯოუნსი, პიტერ სტორმერი, კრისპინ გლოვერი