7 ზღაპრული ფილმი, რომელიც საოცრად ჰგავს „ლა-ლა ლენდს“

კინო

11 აპრილი 18:00, 2018 წელი

თუკი „ლა-ლა ლენდის“ ფანი ხართ, ეს ფილმებიც აუცილებლად მოგეწონებათ. ისინი მეოცნებე, შეყვარებულ, მგრძნობიარე, შემოქმედებით, მიზანსწრაფულ და წარმოუდგენლად პოეტურ ადამიანებზეა, და მათი ნახვა კიდევ და კიდევ მოგინდებათ.

1. „ბოლო ხუთი წელი“, აშშ, 2014
კომედია, მელოდრამა, მიუზიკლი
რეჟისორი: რიჩარდ ლაგრავენესი
როლებში: ანა კენდრიკი, ჯერემი ჯორდანი, ნატალი კნეპი



სიუჟეტი: ეს არის მიუზიკლი არცთუ ისე უბრალო ურთიერთობაზე ორ შემოქმედებით ადამიანს – ნიჭიერ მწერალ ჯეიმისა და დამწყებ მსახიობ ქეითს შორის. ახალგაზრდები თავდავიწყებულმა სიყვარულმა ნაჩქარევ ქორწინებამდე მიიყვანა. განსხვავებული მისწრაფებები და ამბიციები კი ხელს უშლის მათ ოჯახურ ბედნიერებას.


2. „არტისტი“, საფრანგეთი, 2011
კომედია, მელოდრამა
რეჟისორი: მიშელ ჰაზანავიჩუსი
როლებში: ჟან დიუჟარდენი, ბერენის ბეჟო, ჯონ გედმენი, ჯეიმს კრომუელი, პენელოპა ენ მილერი, მისი პაილი



სიუჟეტი: 2012 წლის ოსკარის მთავარი ჯილდოს მფლობელი ეს უძლიერესი შავ-თეთრი ფილმი არამარტო კლასიკის მოყვარულებს მოეწონებათ.
1927 წელი. ჰოლივუდი. ხმოვანი კინო ეს-ესაა ფეხს იდგამს. პოპულარობის ზენიტში მყოფი მუნჯი კინოს ვარსკვლავი ჯორჯ ვალენტინი კი თავისი ჟანრის ერთგული რჩება და უარს ამბობს ახალმოდურ ფილმებზე. მალე მასთან კონტრაქტს წყვეტს კინოკომპანია, ის კოტრდება და ცოლიც ეყრება... ახალგაზრდა გოგონა პეპი მილერი კი წარმატების გზაზე ახლა დგება... ფილმი მათ სასიყვარულო ურთიერთობაზეა.


3. „მაღალი საზოგადოება“, აშშ, 2016
დრამა, კომედია, მელოდრამა
რეჟისორი: ვუდი ალენი
როლებში: სთივ ქარელი, შერილ ლი, ტოდ ვიკსი, პოლ შაკმანი, ჯოდი კარლაილი, რიჩარდ პორტნოვი



სიუჟეტი: 1930-იანი წლები. ახალგაზრდა კაცი, სახელად ბობი, ნიუ-იორკიდან ჰოლივუდში ჩადის იმ იმედით, რომ კინოინდუსტრიაში დასაქმდება. აქ მისი მდიდარი და წარმატებული ბიძა ცხოვრობს, რომელსაც შეუძლია, ბობის დაეხმაროს. და ყველაფერი კარგად იქნებოდა, რომ არა პალმები, გაუთავებელი წვეულებები და მომხიბვლელი ვერონიკა, რომელიც ბობის თავდავიწყებით შეუყვარდება...


 


4. „ეს სულელური, უაზრო სიყვარული...“, აშშ, 2011
კომედია, მელოდრამა
რეჟისორი: გლენ ფიკარა,ჯონ რეკუა
როლებში: სთივ ქარელი, რაიან გოსლინგი, ჯულიანა მური, ემა სტოუნი, ანალეი ტიპტონი, ჯონა ბობო



სიუჟეტი: 15-წლიანი იდეალური თანაცხოვრების შემდეგ, კელს ცოლი ატყობინებს, რომ უღალატა და მასთან განქორწინება უნდა. პურიტანული მსოფლმხედველობის, მეოჯახე კაცს თავზე ემხობა თავისი იდეალური ცხოვრება – კარგი სამსახური, მშვენიერი სახლი, კარგი შვილები და ბავშვობისდროინდელი სიყვარული ცოლად! მწუხარებისგან განადგურებული კელი ბარში მიდის, რათა უგონოდ დათვრეს, თუმცა ამის მაგივრად ლოველას ჯეიკობს გაიცნობს, რომელიც მას სულ სხვა სამყაროს კარს გაუხსნის...
თუ ამ ფილმს ნახავთ, კიდევ ერთხელ დარწმუნდებით, რომ რაიან გოსლინგისა და ემა სტოუნის ეკრანული წყვილი საოცრად უხდება ერთმანეთს.


 


5. „ხუთი სანტიმეტრი წამში“, იაპონია, 2007
ანიმაციური, დრამა, მელოდრამა
რეჟისორი: მაკოტო სინკაი
როლებში: კენჯი მიზუჰაში, იოსიმი კონდო, სატომი ჰანამურა, ააკა ონოე, რისა მიძუნო, იუკო ნაკამურა



სიუჟეტი: მიკოტო სინკაის მელანქოლიური და პოეტური ფილმი ორი მოზარდის ისტორიას გვიყვება. საურათი სამი ნოველისგან შედგება. ეს არის სამი ეტაპი ფილმის გმირების ცხოვრებაში – პირველი სიყვარული, საკუთარი თავის შეცნობის სირთულეები და ცხოვრების რუტინა. და შესაძლებელია, მუდამ გახსოვდეს პირველი სიყვარული მთელი ამ წლების განმავლობაში?


6. „ძილის მეცნიერება“, საფრანგეთი, 2006
კომედია, მელოდრამა, ზღაპრული (ფენტეზი)
რეჟისორი: მიშელ გონდრი
როლებში: გაელ გარსია ბერნალი, შარლოტა გინსბური, ალენ შაბა, მიუ-მიუ, პიერ ვანეკი, ემა დე კონი



სიუჟეტი: ზედმეტად მეოცნებე და ინფანტილური სტეფანი გრაფიკული დიზაინერია, რომელიც საკუთარ ნაშრომებში თავისი უცნაური სიზმრების რაღაც ნაწილს დებს. სტეფანის ამბიციური იდეები არაერთგვაროვან ემოციებს იწვევს კოლეგებში, დედას კი საერთოდ არ ესმის მისი. და მხოლოდ მისი ახალი მეზობელი იზიარებს მის გატაცებებს ფიქციებითა და პარალელური სამყაროთი.


7. „ღმერთო, დაეხმარე გოგონას“, გაერთიანებული სამეფო, 2014
მელოდრამა, მიუზიკლი
რეჟისორი: სტიუარდ მერდოკი
როლებში: ემილი ბრაუნინგი, ოლი ალექსანდრი, ჰანა მიურეი, პერ ბულანჟე, კორა ბისეტი


 


სიუჟეტი: შესანიშნავი მუსიკალური ფილმი უჩვეულო სამსახიობო შემადგენლობით. ევა ემოციური პრობლემების გამო მკურნალობის კურსს გადის. ერთხელაც ორ მუსიკოსს გაიცნობს – მორცხვ ჯეიმსსა და მეოცნებე კესის. ისინი ქმნიან ჯგუფს და წერენ და ასრულებენ საკუთარ სიმღერებს. დროთა განმავლობაში სიმღერა ეხმარება მათ, გათამამდნენ, პოზიტიურად იაზროვნონ, წარსულს დაემშვიდობონ და თავიანთი ცხოვრების სიყვარული იპოვონ.


დაბოლოს, თუ ჯერ არ გინახავთ, ჩვენი გულწრფელი რჩევაა, აუცილებლად ნახოთ ულამაზესი მიუზიკლი „ლა-ლა ლენდი“, რაიან გოსლინგისა და ემა სტოუნის ბრწყინვალე დუეტით!


იცით თუ არა...

„ისპანკა“ ფოტოებში - ვირუსი, რომელიც ახალგაზრდებს „ერჩოდა“

ერთ დღეს, აშშ-ს არმიის ფორტ-რაილის ბაზაზე (კანზასის შტატი) სამხედრო ჰოსპიტალს რიგითმა ჯარისკაცმა ალბერტ გიტჩელმა ყელის ტკივილით, ხველით და შემცივნებით მიაკითხა. 
დღის ჰოროსკოპი

6 აპრილის ასტროლოგიური პროგნოზი

რას გვირჩევენ ვარსკვლავები 6 აპრილისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

5 აპრილის ასტროლოგიური პროგნოზი

რას გვირჩევენ ვარსკვლავები 5 აპრილისთვის ჯანმრთელობის, ბიზნესის და სიყვარულის მიმართულებით?
ჩვენ გვერდით

რატომ დადიან ნიღბით ზოგ ქვეყანაში მასიურად და ზოგან - იშვიათად?

სცადეთ და გაიარეთ ნიღბის გარეშე ჰონგ-კონგში, სეულსა ან ტოკიოში - ყველგან იგრძნობთ მტრულ და არამეგობრულ მზერას.
ურთიერთობა

რა შეცვალა თქვენს ცხოვრებაში დისტანციურად მუშაობამ?

ამ გამოკითხვამ, რომელიც „ფანთაიმმა“ თავის მეგობრებსა და მკითხველებს შორის ჩაატარა, დისტანციური მუშაობის საინტერესო მხარეები დაგვანახა...
ამბები

უმსხვილესმა ფეისბუქ-ჯგუფმა „მოგზაურთა კლუბმა“ StopCov ფონდში 20 000 ლარი გადარიცხა

COVID-19-თან ბრძოლის წინააღმდეგ შექმნილ ფონდში StopCov 20 000-მდე ლარი ერთ-ერთმა უმსხვილესმა ქართულმა ფეისბუქ-ჯგუფმა მოგზაურთა კლუბმა (Cheap Travel Georgia) გადარიცხა.
დღის ჰოროსკოპი

4 აპრილის ასტროლოგიური პროგნოზი

რას გვირჩევენ ვარსკვლავები 4 აპრილილისთვის ჯანმრთელობის, ბიზნესის და სიყვარულის მიმართულებით?
ამბები

დღეიდან ,,მაგნიტის“ მომხმარებლებს მარტოხელა მოხუცების დახმარების პროგრამაში მონაწილეობის მიღება შეუძლიათ

„მაგნიტში“ საქველმოქმედო აქცია დაიწყო, რომლის მიხედვით, მომხმარებელი, სურვილის შემთხვევაში, განსაზღვრულ პროდუქტს შეიძენს და სპეციალურად გამოყოფილ კალათში მოათავსებს.
ამბები

„არქიმ“ თავდაცვის სამნისტროსა და შსს-ს 1000-1000 სერტიფიცირებული რესპირატორი უსასყიდლოდ გადასცა

დღეს „არქი“ მცხეთა-თბილისის საკონტროლო გამშვებ პუნქტს ესტუმრა და თავდაცვის სამინისტროს წარმომადგენელს 1000 ცალი N95 ტიპის სპეციალური დანიშნულების სერტიფიცირებული რესპირატორი გადასცა. გარდა ამისა, დამატებით „არქიმ“ კიდევ 1000 რესპირატორი შინაგან საქმეთა სამინისტროსაც გადასცა.
კინო

კორონავირუსზე პირველი დრამა გადაიღეს - ნახეთ ფილმის ტრეილერი (ვიდეო)

ფილმი გადაიღო ირანული წარმოშობის კანადელმა რჟისორმა მოსტაფა კეშვარიმ, რომელმაც დრამას „Corona“ უწოდა.
ამბები

„სმარტი“, წითელ ჯვართან და თბილისის მერიასთან ერთად, საზოგადოებას ხანდაზმულთა მხარდამჭერ კამპანიაში ჩართვის საშუალებას აძლევს

„სმარტის“ ყველა სუპერმარკეტში საქართველოს წითელი ჯვრისა და ქალაქ თბილისის მერიის ხანდაზმულთა მხარდამჭერი პროგრამის ფარგლებში სპეციალური კუთხეები მოეწყო, სადაც მომხმარებლებს საშუალება აქვთ, მათთვის შეიძინონ ნებისმიერი პროდუქტი საჭიროებების წინასწარ შემუშავებული სიიდან და მონაწილეობა მიიღონ ქველმოქმედებაში.
დღის ჰოროსკოპი

3 აპრილის ასტროლოგიური პროგნოზი

რას გვირჩევენ ვარსკვლავები 3 აპრილისთვის ჯანმრთელობის, ბიზნესის და სიყვარულის მიმართულებით?