დიდი რეჟისორები და მათი მუზები

კინო

9 მაისი 18:00, 2018 წელი

ყველა დიდ რეჟისორს ჰყავს თავისი მუზა, ზოგს - ორიც კი... მათში ეძებენ შთაგონებას და ქმნიან შედევრებს... თუმცა, გახსოვდეთ, ყოველთვის, ყველა დროსა და ეპოქაში ყველა წარმატებული და გენიოსი მამაკაცის უკან აუცილებლად დგას ძლიერი ქალი.

კვენტინ ტარანტინო და უმა თურმანი



კვენტინ ტარანტინომ არაერთხელ აღიარა, რომ მისი მუზა განუმეორებელი უმა თურმანია. მათი პირველი ერთობლივი ნამუშევარი იყო „მაკულატურა“, შემდეგ - „მოკალი ბილი 1, 2“.


პედრო ალმოდოვარი და პენელოპა კრუსი



ერთობლივმა მუშაობამ ისეთ ფილმებზე, როგორებიცაა „მთრთოლვარე სხეული“, „ყველაფერი დედაჩემის შესახებ“, „დაბრუნება“, „შეწყვეტილი ამბორი“, რეჟისორსაც და მსახიობსაც უამრავი ჯილდო და ნომინაცია მოუტანა ყველაზე პრესტიჟულ პრემიებზე.


ვუდი ალენი და დაიან კიტონი



მიუხედავად იმისა, რომ მსახიობისა და რეჟისორის ქორწინება ძალიან ხანმოკლე აღმოჩნდა, მათი მეგობრობა მრავალი წელი გაგრძელდა. ბევრი დარწმუნებულია, რომ ვუდი ალენმა თავისი საუკეთესო ფილმები დაიან კიტონთან ერთად გადაიღო, რომელთა შორისაა „მძინარე“, „სიყვარული და სიკვდილი“, „ენი ჰოლი“, „ინტერიერი“, „მანჰეტენი“, „რადიოს ეპოქა“ და „იდუმალი მკვლელობა მანჰეტენზე“.


ვუდი ალენი და სკარლეტ იოჰანსონი



2005 წელს ვუდი ალენმა ახალგაზრდა მსახიობს სკარლეტ იოჰანსონს თავის ფილმში „მატჩ პოინტი“ შესთავაზა როლი. ამბობენ, რომ სცენა, რომელშიც მსახიობი პირველად გამოჩნდა კადრში, რეჟისორმა 4-ჯერ გადაიღო. ის ფიქრობდა უმნიშვნელო დეტალზეც კი: დაწყებული ვარცხნილობით, დამთავრებული ტანსაცმლის ფერით. უნდოდა, მაყურებელიც ისევე აღფრთოვანებულიყო და მოხიბლულიყო სკარლეტით, როგორც თავად მოიხიბლა და აღფრთოვანდა. ამის შემდეგ მათ კიდევ არაერთი ერთობლივი ფილმი გადაიღეს.


ითან და ჯოელ კოენები და ფრენსის მაკდორმანდი



ფრენსის მაკდორმანდისა და ძმები კოენების კარიერა, ფაქტობრივად, ერთდროულად დაიწყო - მათი დებიუტი შედგა ფილმით „უბრალოდ სისხლი“. ამის შემდეგ მსახიობმა და რეჟისორებმა ერთად იმუშავეს ისეთ ფილმებზე, როგორებიცაა „მილერის გზაჯვარედინი“, „ბარტონ ფინკი“, „ფარგო“, „ადამიანი, რომელიც არ არსებობდა“ და „წაკითხვისთანავე დაწვით“.


ტომ ბარტონი და ჰელენა ბონემ-კარტერი



ჰელენა საყვარელი ქალიც იყო და მუზაც ამ შესანიშნავი რეჟისორისა. მათ ერთად იმუშავეს ფილმებზე: „მაიმუნების პლანეტა“, „ჩარლი და შოკოლადის ქარხანა“, „სუინი ტოდი: დემონი-დალაქი ფლიტ-სტრიტიდან“, „ალისა საოცრებათა ქვეყანაში“, „ბნელი ჩრდილები“ და ა.შ. 2014 წელს ტიმ ბარტონი და ჰელენა დაშორდნენ, მაგრამ მეგობრული ურთიერთობა ბოლომდე შეინარჩუნეს.        


ჯო რაიტი და კირა ნაიტლი



ჯო რაიტისა და კირა ნაიტლის თანამშრომლობა ფილმ „სიამაყე და ცრურწმენით“ დაიწყო, რომელიც დიდი წარმატებით სარგებლობდა როგორც მაყურებელში, ისე კინოკრიტიკოსებში. შემდეგ მსახიობმა და რეჟისორმა ერთად გადაიღეს „მონანიება“ და „ანა კარენინა“.


ალფრედ ჰიჩკოკი და გრეის კელი



როცა ჰიჩკოკმა პირველად დაინახა ქერა გრეის კელი, მაშივე მოიხიბლა მისი „სექსუალური ელეგანტურობით“ და არც კი დაფიქრებულა, ისე მიიწვია თავის ფილმებში სათამაშოდ. მათი თანამშრომლობა გრეისის გათხოვებამ დაასრულა. თუმცა გრეის კელი მაინც დიდხანს დარჩა ჰიჩკოკის მუზად.


ალფრედ ჰიჩკოკი და ტიპი ჰედრენი



ტიპი ჰედრენი ნამდვილი გმირი იყო ალფრედ ჰიჩკოკისთვის. რეჟისორს ძალიან მოსწონდა ის, რომ მსახიობი სრულად შეესაბამებოდა წინასწარ ჩამოყალიბებულ ტიპაჟს, მაგრამ ამასთანავე, მკვეთრად გამოირჩეოდა დანარჩენების ფონზე. ერთად მათ იმუშავეს ფილმებზე „მარნი“ და „ჩიტები“, ამ უკანასკნელში შესრულებული როლისთვის მსახიობმა „ოქროს გლობუსი“ დაიმსახურა.


დევიდ ლინჩი და ლორა დერნი



ლორა დერნი ნამდვილი მუზა იყო ამ დიდი რეჟისორისა, და მათ ერთად აჩუქეს მაყურებელს ისეთი ფილმები, როგორებიცაა „ლურჯი ხავერდი“, „გულით ველურნი“, „შინაგანი იმპერია“ და „ინდუსტრიული სიმფონია #1: გულგატეხილი გოგონას სიზმარი“.

დღის ჰოროსკოპი

16 იანვრის ასტროლოგიური პროგნოზი

რას გვირჩევენ ვარსკვლავები 16 იანვრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

სექსსიმბოლოები სკოლის ასაკში

ვინ იფიქრებდა, რომ ეს „მახინჯი იხვის ჭუჭულები“ ასეთ მომხიბვლელ ქალებად და კაცებად იქცეოდნენ და თავიანთი შარმით მსოფლიოს დატყვევებდნენ!
საკნატუნო ამბები

როგორ გავითეთროთ კბილები მარტივად და ეფექტურად

თუკი თვალისმომჭრელ, ჰოლივუდურ ღიმილზე ოცნებობთ, მაგრამ სტომატოლოგთან ვიზიტის დრო არ გაქვთ, გაცილებით დაბალბიუჯეტიან და ნაცად მეთოდს გაგიმხელთ.  
საკნატუნო ამბები

(+18) აკადემიური სიშიშვლე

ხელოვანი, რომელიც საკუთარ და სხვის გრძნობებს ფოტოებში ასახავს.
დღის ჰოროსკოპი

15 იანვრის ასტროლოგიური პროგნოზი

რას გვირჩევენ ვარსკვლავები 15 იანვრისთვის ჯანმრთელობის, ბიზნესისა და სიყვარულის მიმართულებით?
ამბები

თეგეტა 1995 წლიდან ლიდერია ქართულ ბაზარზე - კომპანია 2018 წელს აჯამებს

თეგეტა მოტორსმა 2018 წელი ავტოინდუსტრიის ბაზრის ლიდერის სტატუსით დახურა.
საკნატუნო ამბები

კრიმინალი ვარსკვლავები, რომლებმაც ციხეებში წლები გაატარეს

ვარსკვლავთა შორისაც არიან ნამდვილი კრიმინალები, როლებმაც სასჯელის სერიოზული ვადები მოიხადეს ციხეებში, თუმცა, საბოლოოდ, მაინც შეძლეს, სამუშაოსა და „კანონიერ“ ცხოვრებას დაბრუნებოდნენ.
საკნატუნო ამბები

(+18) სილამაზე ეროტიკულ ფოტოგრაფიებში

ვნებიანი კადრები მსოფლიოს საუკეთესო შავ-თეთრი ფოტოგრაფისგან...
დღის ჰოროსკოპი

14 იანვრის ასტროლოგიური პროგნოზი

რას გვირჩევენ ვარსკვლავები  14 იანვრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

ფობიები და ფსიქოზები - რით იტანჯებიან ცნობილები

ერთი შეხედვით იდეალური ვარსკვლავები, თურმე, ყოველდღიურად ებრძვიან ფსიქიკურ აშლილობებს...
დღის ჰოროსკოპი

13 იანვრის ასტროლოგიური პროგნოზი

რას გვირჩევენ ვარსკვლავები 13 იანვრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

სიმპათიური ვარსკვლავები ახალგაზრდობაში და ახლა

ეს ცნობილები მადლიერნი უნდა იყვენენ მათი, ვინც სტილის მოძებნაში დაეხმარნენ - სტილთან ერთადაც ხომ საუკეთესო როლებიც მოვიდა და წარმატებული კარიერაც.