7 ფილმი ჟურნალისტებსა და მწერლებზე

კინო

30 მაისი 18:00

ნამდვილი ამბები იმ ადამიანების ცხოვრებიდან, ვინც საზოგადოების აზროვნებაზე გარკვეულწილად ზემოქმედებენ...

1. „დიდებული სილამაზე“, 2013, იტალია
La grande bellezza
რეჟისორი: პაულო სორენტინო
მსახიობები: ტონი სერვილო, კარლო ვერდონე, საბრინა ფერილი და სხვები



უზომოდ ლამაზი ფილმი წარმატებული, მაგრამ ცხოვრებისგან გაწბილებული მწერლისა და ჟურნალისტის ჯეპი გამბარდელას შესახებ, რომელიც ამ ცხოვრებას ცინიზმით უყურებს. და რომელსაც, მიუხედავად ყველაფრისა, შეუძლია მისგან სასურველი მაინც მიიღოს.
თავისი 65 წლის ასაკში ჯეპი ცხოვრობს რომში, მყუდრო ბინაში, კოლიზეუმის ხედით და ღამეებს საინტერესოდ ატარებს - ერთი ქალის საწოლიდან მეორე ქალის საწოლში, ერთი წვეულებიდან მეორეში და არხეინად დასეირნობს მარადიულ ქალაქში.
ფილმში უხვადაა მსჯელობა ცხოვრების ამაოებაზე, საინტერესო დიალოგები, არაორდინარული ადამიანები და რომის შესანიშნავი ხედები.


2. „ტრამბო“, 2015, აშშ
Trumbo
რეჟისორი: ჯეი როუჩი
მთავარ როლში: ბრაიან კრენსტონი



ეს ფილმი ჰოლივუდის ისტორიაში ყველაზე წარმატებული სცენარისტის დალტონ ტრამბოს შესახებაა. მის კალამს ეკუთვნის სცენარები შესანიშნავი ფილმებისა „რომაული არდადეგები“ და „სპარტაკი“.  
ტრამბო გასული საუკუნის 40-იან წლებში შავ სიაში მოხვდა და დაკარგა ფული, კარიერა, მეგობრები... ამის შემდეგ იწყება ნამდვილი ბრძოლა ამ მართლაც ძალიან ნიჭიერი ადამიანისა საკუთარი სახელისა და მზის ქვეშეთში დამსახურებული ადგილის დასაბრუნებლად.
ტრამბოს როლში შეუდარებელია ბრაიან კრენსტონი. ამ როლისთვის ის „ოსკარზეც“ იყო ნომინირებული მამაკაცის მთავარი როლის საუკეთესო შესრულებისთვის.



3. „ყურადღების ცენტრში“, 2015, აშშ
Spotlight
რეჟისორი: ტომას მაკარტი
მთავარ როლებში: მარკ რუფალო, მაიკლ კიტონი, რეიჩელ მაკადამსი, ლივ შრაიბერი, სტენლი ტუჩი, ჯონ სტელერი



ამ ფილმსაც რეალური მოვლენები უდევს საფუძვლად და ამერიკის ისტორიაში ყველაზე ხმაურიანი სექსსკანდალის ჟურნალისტურ გამოძიებას ასახავს. ბოსტონის გაზეთის კორესპონდენტები გამოააშკარავებენ პედოფილიის შემთხვევას კათოლიკური ეკლესიის წიაღში.
ფილმში ნაჩვენებია საგამოძიებო განყოფილების ჟურნალისტების განსაცვიფრებელი და თავდაუზოგავი მუშაობა.
ფილმმა დამსახურებულად მიიღო „ოსკარის“ მთავარი პრიზი საუკეთესო ფილმისთვის და ასევე, საუკეთესო სცენარისთვის.


 4. „ღამის ქვეწარმავალი“, 2014, აშშ
Nightcrawler
რეჟისორი: დენ გილროი
მთავარ როლში: ჯეიკ ჯილენჰალი



ლუი ბლუმი - სტაჟიანი ქურდი, რომელიც ამაოდ ცდილობს ნორმალური სამუშაო იშოვოს, წარმატებულად ერთვება ლოს-ანჯელესის კრიმინალური ჟურნალისტიკის სფეროში, თავისუფალ ჟურნალისტად. ის მედიას შემთხვევის ადგილებზე გადაღებულ ვიდეომასალას აწვდის. უნდა ითქვას, რომ ლუი ამ პროფესიაში არა მარტო საკუთარ თავს პოულობს, არამედ ყველაფერზე მიდის, ოღონდ კი საჭირო კადრები მოიპოვოს.


 5. „უჩინარი მწერალი“, 2009, საფრანგეთი, დიდი ბრიტანეთი, გერმანია
The Ghost Writer
რეჟისორი: რომან პოლანსკი
მთავარ როლებში: იუან მაკგრეგორი, პირს ბროსნანი, ოლივია უილიამსი



რომან პოლანსკის შესანიშნავი ფილმი „ლიტერატურულ ზანგზე“, გნებავთ „უჩინარ კალმოსანზე“, რომელიც უნებლიეთ ჩათრეული აღმოჩნდა თავისი წინამორბედის საიდუმლო სიკვდილის გამოძიებაში.


6. „ჩვენიანი“, 1999, აშშ
The Insider
რეჟისორი: მაიკლ მანი
მთავარ როლებში: ალ პაჩინო, რასელ ქროუ



და კიდევ ერთი ისტორია რეალურ ამბებზე დაფუძნებული. ერთ-ერთი უმსხვილესი თამბაქოს კომპანიის ვიცე-პრეზიდენტი თანამდებობას ტოვებს და სამსახურიდან მიდის. ის აპროტესტებს თამბაქოს პროდუქციაში იმ კომპონენტის გამოყენებას, რომელიც მწეველებში ნიკოტინდამოკიდებულებას იწვევს.
დოქტორ უაიგანდთან კავშირზე გადის პოპულარული ტელეგადაცემის „60 წუთის“ პროდიუსერი ლოუელ ბერგმანი. უაიგანდი „60 წუთს“ ექსკლუზიურ ინტერვიუს აძლევს და, როგორც თამბაქოს ინდუსტრიის მაღალი რანგის წარმომადგენელი, პირველი საუბრობს ღიად თამბაქოს ბიზნესის საიდუმლოზე, რომელიც მანამდე უცნობი იყო ფართო საზოგადოებრიობისთვის.


7.„ბანქოს სახლი“, 2013, აშშ
House of Cards, სერიალი
რეჟისორი: მაიკლ მანი
მთავარ როლებში: კევინ სპეისი, რობინ რაიტი



ეს არის Netflix-ის სერიალი პოლიტიკური დრამის ჟანრში. მაგრამ აქ პოლიტიკოსების გვერდით სიუჟეტის ცენტრში ჟურნალისტებიც არიან. მესამე სეზონში კი შემოდის მწერალი პოლ იეიტსი, რომელსაც თეთრ სახლში ამერიკის ახალ პრეზიდენტზე წიგნის დასაწერად დაიქირავებენ.
კევინ სპეისის წინააღმდეგ აგორებული სკანდალის შემდეგ, სამწუხაროდ, ეს სერიალი დაიხურა.

საკნატუნო ამბები

კარგი სექსი იწყება გონებიდან, ცუდიც, სამწუხაროდ

ნუ აიკვიატებთ იმაზე ფიქრს, იდეალური ხართ თუ არა და მოსწონხართ თუ არა ლოგინში თქვენს პარტნიორს. მთავარი სხვა რამ არის....
დღის ჰოროსკოპი

19 ნოემბრის ასტროლოგიური პროგნოზი

რას გვირჩევენ ვარსკვლავები 19 ნოემბრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

არარეალური გოგოები: ვარსკვლავები კომიქსების გმირების წინააღმდეგ

ამ მსახიობებმა სუპერგმირების განსასახიერებლად შეუძლებელი შეძლეს: მთელ დღეებს სპორტდარბაზებში ატარებდნენ და ლატექსის კოსტიუმში გამოწყობილნი დუბლს დუბლზე იღებდნენ.
დღის ჰოროსკოპი

18 ნოემბრის ასტროლოგიური პროგნოზი

რას გვირჩევენ ვარსკვლავები 18 ნოემბრისთვის ჯანმრთელობის, ბიზნესის და სიყვარულის მიმართულებით?
ამბები

"საზოგადოების თანამედროვეობისკენ შეცვლისა და ტრადიციების შენარჩუნებისთვის ბრძოლაში მთავარი ძალაქალები იქნებიან"

პრეზიდენტობის დამოუკიდებელი კანდიდატი სალომე ზურაბიშვილი მიიჩნევს, რომ ქვეყნის პოლიტიკურ და სოციალურ ცხოვრებაში ქალთა ჩართულობა აუცილებელია.
ამბები

თეიმურაზ გორჯესტანი: გადავწყვიტე, დამეცვა დედაჩემი არამარტო მუქარისგან, არამედ საერთო სიცრუისგან

“ვიყავი ლონდონში, როდესაც მუქარა მივიღე ჩემს სოციალურ ქსელში, შემდეგ გავიგე, რომ იგივე მუქარა მიიღეს ჩემმა დამ და დედამ",-ამის შესახებ პრეზიდენტობის კანდიდატის სალომე ზურაბიშვილის ვაჟმა თეიმურაზ გორჯესტანმა განაცხადა. 
საკნატუნო ამბები

რა ღირს რიგითი ნიუ-იორკელის ჩაცმულობა? (16 ფოტო)

New York Fashion Week-ის დროს ჟურნალისტებმა გადაწყვიტეს, თავისებური მოდის კვირეული მოეწყოთ, არც მეტი, არც ნაკლები, პირდაპირ ნიუ-იორკის ქუჩებში. კორესპონდენტებმა მეგაპოლისის მცხოვრებლებს სთხოვეს, დაესახელებინათ თანხა, რომელიც მათ სამოსსა თუ აქსესუარებში გადაიხადეს.    
საკნატუნო ამბები

რაზე ფიქრობს ქალი ორალური სექსის დროს?

გგონიათ, რომ ამ დროს ქალი სიამოვნებისგან ფიქრის უნარს კარგავს? სულ ტყუილად.
დღის ჰოროსკოპი

17 ნოემბრის ასტროლოგიური პროგნოზი

რას გვირჩევენ ვარსკვლავები 17 ნოემბრისთვის ჯანმრთელობის, ბიზნესისა და სიყვარულის მიმართულებით?
კინო

ყველაზე ლამაზი ეკრანული წყვილები

ყველა დროისა და ყველა თაობის ყველაზე რომანტიკული კინოწყვილების რეიტინგი...
ამბები

თეგეტას ფილიალები დამატებით კვირა დღეს იმუშავებენ   

საქართველოს მასშტაბით ჰაერის ტემპერატურის ვარდნისა და უხვი ნალექის გამო, საავტომობილო გზებზე სხვადასხვა სახის შეზღუდვებია დაწესებული.