5 საუკეთესო საახალწლო მელოდრამა

კინო

28 დეკემბერი 18:00, 2018 წელი

ეს რომანტიკული მელოდრამები ყველა ასაკის კინომანს მოეწონება და წინასაახალწლო განწყობასაც შეუქმნის...

სხვადასხვა შეხედულება ერთ დღესასწაულზე: „რეალური სიყვარული და „ძველი ახალი წელი“



„რეალური სიყვარული“ - ფილმი-ალმანახი. ეს არის ჟანრი, რომელიც სულ უფრო და უფრო პოპულარული ხდება თანამედროვე კინემატოგრაფში. ფილმში 7 დიდი ისტორია და ბევრი პატარა სიუჟეტური ხაზია, რომლებიც ბოლოს ყველაზე უცნაური გზებით იკვეთება შობის დღესასწაულზე. აქ ნახავთ საკუთარ თანამშრომელზე შეყვარებულ პრემიერ-მინისტრს; მწერალი, რომელიც ქვეყნის დასალიერზე პოულობს თავის ჭეშმარიტ სიყვარულს და რომლისთვისაც არ არსებობს ენობრივი და ტერიტორიული ბარიერები. „სიყვარული ყველგანაა“ - ეს არის ფილმის სლოგანი და მაყურებელს სჯერა, რომ ეს სიმართლეა. სიყვარული ასულდგმულებს დაქვრივებულ მამაკაცს, რომელიც გერთან ერთად ცხოვრობს, ხანდაზმულ მომღერალსაც და მრავალი წლის წინათ დაქორწინებულ წყვილსაც. „და თუ ყურადღებით დააკვირდებით, იგრძნობთ, რომ სიყვარული, მართლაც, ყველგანაა“.



მეორე ფილმიც - „ძველი ახალი წელი“ ალმანახია, მაგრამ მასში სულ სხვა ისტორიებია მოთხრობილი. და თუ „რეალურ სიყვარულში“ მოქმედება დიდ ბრიტანეთში ვითარდება და პერსონაჟებიც ინგლისელები არიან, აქ მაყურებელი ნიუ-იორკში გადაინაცვლებს - ქალაქში, რომელსაც არასოდეს სძინავს. 5 სიუჟეტური ხაზი და 20-ზე მეტი გმირი: ახალგაზრდა კაცი, რომელსაც სძულს ახალი წელი; ცხოვრებისგან იმედგაცრუებული ქალი და ყმაწვილი, რომელიც ცდილობს, ქალს დაეხმაროს; მიტოვებული პატარძალი, შეყვარებული გოგონა და მისი დედა. ყველა ამ ადამიანს საახალწლოდ ერთადერთი რამ უნდა: იყოს საყვარელი ადამიანის გვერდით.


ეს მსუბუქი მელოდრამები თქვენც და თქვენს ახლობლებსაც რამდენიმე ბედნიერ წუთს გაგატარებინებთ ტელეეკრანთან.


კომედია მთელი ოჯახისთვის: „კეთილი იყოს თქვენი მობრძანება, ანუ მეზობლებისთვის შესვლა აკრძალულია!“



ამ ამერიკული საახალწლო ფილმის სიუჟეტი საკმაოდ მარტივია: ერთ პატარა ქალაქში გვერდიგვერდ ცხოვრობს ორი ამერიკული ოჯახი. ერთ-ერთი ოჯახის სამაგალითო მამა, მეტსახელად „ბატონი შობა“, არასოდეს ღალატობს თავის პრინციპებს და ყოველ შობას დღესასწაულს უწყობს საკუთარი ოჯახის წევრებს. მისი მეზობელი - ცოტა ექსცენტრიკული მამაკაცი გადაწყვეტს, საახალწლოდ თავისი სახლი ისე გაანათოს, რომ კოსმოსიდანაც კი ჩანდეს. ეს იდეა ბევრ მის თანაქალაქელს არ მოეწონება და განსაკუთრებით მის მეზობელს - სანიმუშო მეოჯახეს. მეზობლებს შორის გაჩაღებული ომის წყალობით წინასაახალწლოდ ეს პატარა ქალაქი ომის ეპიცენტრად იქცა.


ეს სახალისო კომედია, დენი დე ვიტოსა და მეთიუ ბროდერიკის ბრწყინვალე შესრულებით, საშობაოდ მხიარულ განწყობას შეგიქმნით!


საახალწლო ფილმი ოჯახის ერთობაზე: „სტოუნების ოჯახი“



მიუხედავად თბილი სლოგანისა - „იგრძენი სიყვარული“, ამ საახალწლო კომედიის მთავარი გმირები სულაც არ არიან თბილი გრძნობებით აღვსილნი. სტოუნების დიდ ოჯახში ორი და, ორი ძმა, მამა, დედა და უფროსი შვილი არიან. სწორედ მას მოჰყავს სახში მომავალი საცოლე და იმედი აქვს, რომ ყოველგვარი სიურპრიზის გარეშე გააცნობს ნათესავებს. მათ კი, თავის მხრივ, არანაირი სურვილი არ აქვთ, თბილად მიიღონ კარიერაზე გადამკვდარი სარძლო. და ეს ყველაფერი წინასაშობაოდ ხდება...


პირველივე კადრები მაყურებელს ისეთ შთაბეჭდილებას უქმნის, რომ თითქოს მორიგ ექსცენტრიკულ კომედიას უყურებს, თუმცა მოვლენების შემდგომი განვითარება ფილმის გაცილებით ღრმა აზრს ხსნის: ის უფრო მელოდრამატული და სენტიმენტალურია, და სწორედ ეს არის მისი ხიბლი ახალი წლისა და შობის მოახლოებისას.


საუკეთესო საშობაო ფილმი: „შვებულება“



ეს ფილმი სავსეა სითბოთი და სიყვარულით.


ორი ახალგაზრდა ქალი გადაწყვეტს, საშობაო არდადეგებზე სახლები გაცვალონ. სარეკლამო სააგენტოს წარმატებული მფლობელი ინგლისის ერთ პატარა პროვინციაში მიდის, რათა „კაცებისგან დაისვენოს“. ლონდონური გაზეთის პოპულარული რედაქტორის სვეტის ავტორი კი მზიურ კალიფორნიას სტუმრობს „გატეხილი გულის“ სამკურნალოდ. ორი მთავარი გმირი, ორი სხვადასხვა ქალაქი, ორი განსხვავებული ბედისწერა - და რაღაც ჯადოსნური მაქინაციებით წინასაახალწლოდ მათი გზები იკვეთება.



შეუდარებელი მსახიობები, საყვარელი სიუჟეტი, დათოვლილი ინგლისისა და თბილი ამერიკის ულამაზესი ხედები - თუ ჯერ კიდევ არ გინახავთ ეს ფილმი და ჯერ კიდევ გჯერათ შობის ჯადოსნური ღამისა, მაშინ აუცილებლად უნდა ნახოთ.

დღის ჰოროსკოპი

18 თებერვლის ასტროლოგიური პროგნოზი

რას გვირჩევენ ვარსკვლავები 18 თებერვლისთვის  ჯანმრთელობის, ბიზნესის და სიყვარულის მიმართულებით?
ურთიერთობა

ერთი პატარა ისტორია საყვარლის ცხოვრებიდან

ეს ამბავი საბჭოთა დროში მოხდა, თუმცა, ალბათ, ყოველთვის აქტუალური იქნება, ნებისმიერ ქვეყანაში და ნებისმიერ წყობაში.
დღის ჰოროსკოპი

17 თებერვლის ასტროლოგიური პროგნოზი

რას გვირჩევენ ვარსკვლავები 17 თებერვლისთვის ჯანმრთელობის, ბიზნესის და სიყვარულის მიმართულებით?
იცით თუ არა...

შეამოწმეთ, არის თუ არა თქვენში თავადის გენი!

თავადაზნაურობა ყოველთვის გამორჩეული იყო უნიკალური შინაგანი თვისებებით, რომლებიც დროთა განმავლობაში არ ხუნდება და უცხო პირობებშიც არ იკარგება. მათი არც სწავლა შეიძლება და არც დავიწყება. თქვენ ან გაქვთ ეს თვისებები, ან არ გაქვთ.
კინო

ვინ არის ეს უცნობი ქალი მსოფლიო ვარსკვლავების გვერდით?

ბელგიაში ერთ-ერთ ბუკინისტურ მაღაზიაში იპოვეს ფოტოალბომი, ძალიან ბევრი ფოტოთი. თითქოს არაფერია უცნაური, მაგრამ ყველა ფოტოზე აღბეჭდილია ერთი და იგივე ქალბატონი, რომელთანაც პლანეტის ცნობილი ადამიანები პოზირებენ!
დღის ჰოროსკოპი

16 თებერვლის ასტროლოგიური პროგნოზი

რას გვირჩევენ ვარსკვლავები 16 თებერვლისთვის ჯანმრთელობის, ბიზნესის და სიყვარულის მიმართულებით?
კულინარია

არისტოკრატების საუზმე - ერბოკვერცხი „ორსინი“ (2 რეცეპტი)

ერბოკვერცხის მომზადების სრულიად გენიალური ხერხი დიდი იმპრესიონისტის კლოდ მონეს რეცეპტების წიგნიდან!
დღის ჰოროსკოპი

15 თებერვლის ასტროლოგიური პროგნოზი

რას გვირჩევენ ვარსკვლავები 15 თებერვლისთვის ჯანმრთელობის, ბიზნესის და სიყვარულის მიმართულებით?
FUN-ტესტი

გაიგეთ, ვინ იყავით წინა ცხოვრებაში და გამოასწორეთ შეცდომები

ამისთვის გაიარეთ ეს მარტივი ტესტი - დაუფიქრებლად აირჩიეთ ერთ-ერთი საათი, ოღონდ ამ დროს მხოლოდ საკუთარ ინტუიციას დაეყრდენით. მხოლოდ ასე მიიღებთ ზუსტ შედეგს.
დღის ჰოროსკოპი

14 თებერვლის ასტროლოგიური პროგნოზი

რას გვირჩევენ ვარსკვლავები 14 თებერვლისთვის ჯანმრთელობის, ბიზნესის და სიყვარულის მიმართულებით?
იცით თუ არა...

6 ნივთი, რომელიც ხელს უშლის კეთილდღეობას - როგორც სახლში, ასევე კომპანიების ოფისებში!

თავისთავად ნეგატიური და პოზიტიური ნივთი არ არსებობს, მაგრამ არასწორად განლაგებით, როგორც ფენ-შუი განმარტავს, ნივთებმა შესაძლოა კეთილდღეობას, ურთიერთობებს, ჯანმრთელობას საფრთხე შეუქმნას...  
ამბები

 „სმარტი“ ზუგდიდში მეორე სუპერმარკეტს ხსნის

სუპერმარკეტი „სმარტი“ რეგიონულ განვითარებას განაგრძობს და ზუგდიდში, აღმაშენებლის ქ #89-ში მდებარე „ვისოლის“ ავტოგასამართ სადგურზე ახალ სუპერმარკეტს ხსნის.