15 ვარსკვლავი, რომლებიც მეორე სახელს მალავენ

კინო

10 აპრილი 18:00, 2019 წელი

იცოდით, რომ რიჩარდ გირს კიდევ ერთი გვარი აქვს - ტიფანი? ლეონარდო დიკაპრიოს კი ბავშვობაში ლეონარდო ვილჰელმს ეძახდნენ?

რიჩარდ ტიფანი გირი


 


რიჩარდ გირს არასოდეს უთხოვია, მისთვის სრული სახელითა და გვარით მიემართათ. ეტყობა, დედისგან მიღებული გვარი ტიფანი მის იმიჯს არ უხდება. და ცოტა ქალურადაც ჟღერს... ალბათ, ამიტომაც არ მისცა მან თავის ერთადერთ ვაჟს ეს გვარი. სამაგიეროდ, ერთდროულად  სამი სახელი დაარქვა - ჰომერ ჯეიმს ჯიგმე გირი.


ჯულია ფიონა რობერტსი



ჯულია რობერტსმა უკვე დიდი ხნის წინათ აქცია საკუთარი სახელი ბრენდად, ამიტომაც ყველაზე თავგადაკლულმა ფანებმაც კი არ იციან, რომ მას მეორე სახელიც ჰქვია - ფეონა. ისე, თუ გახსოვთ, შრეკის შეყვარებულს ჰქვია ასე. ჯულიას დისშვილს, რომელიც სახელოვანი დეიდის კვალს გაჰყვა და მასაც იღებენ კინოში, მეტად გაუმართლა: მისი სახელი უფრო ლამაზად და სტილურად ჟღერს - ემა როუზ რობერტსი.


ჯორჯ ტიმოთი კლუნი



წარმოიდგინეთ, ჰოლივუდის სექსსიმბოლოს კარიერის დასაწყისში თავისი მეორე სახელი რომ აერჩია და საზოგადოების წინაშე ტიმოთი კლუნად წარმდგარიყო.  საბედნიეროდ, მას ეს არ გაუკეთებია. თავის შვილებს ჯორჯმა ძალიან ჩვეულებრივი სახელები შეურჩია - ელა და ალექსანდრე.


კეიტ ჰარი ჰადსონი



კეიტ ჰადსონი ცნობილი მსახიობების გოლდი ჰოუნისა და კურტ რასელის ოჯახში დაიბადა. სულაც არაა გასაკვირი, რომ მათ, როგორც შემოქმედმა პიროვნებებმა, თავიანთი ქალიშვილის ჩვეულებრივ სახელს კეიტს სრულიად არასტანდარტული ჰარი დაუმატეს. სამაგიეროდ, კეიტ ჰადსონის ძმას არ მოუწია სახელის დამალვა. მას, უბრალოდ, ოლივერი დაარქვეს.


ლეონარდი ვილჰელმ დიკაპრიო



თავის პირველ სახელს დიკაპრიო ლეონარდო და ვინჩის უნდა უმადლოდეს. ერთ-ერთ ინტერვიუში ლეონარდო გამოტყდა, რომ დედამისმა ეს სახელი სახელგანთქმული მაესტროს პატივსაცემად დაარქვა. აი, მეორე სახელი კი, რომლის შესახებაც ცოტამ თუ იცის, მსახიობს დედის მხრიდან - გერმანელი ბაბუის ვილჰელმ ინდენბურკენისგან ერგო. რაც შეეხება ბებიას, ის წარმოშობით რუსი გახლდათ - ელენა სტეპანოვნა სმირნოვა. იგი საბჭოეთიდან აშშ-ში ქმრის გვარით იყო ემიგრირებული.


ჯენიფერ შრეიდერ ლოურენსი



ჯენიფერი ერთ-ერთი ყველაზე გავრცელებული სახელია ჰოლივუდში - ჯენიფერ ენისტონი, ჯენიფერ ლოპესი, ჯენიფერ გარნერი და კიდევ ბევრი სხვა. თავის სტანდარტულ სახელთან და გვართან ერთად ჯენიფერს მეორე სახელიც აქვს - შრეიდერი, თუმცა ამას არასოდეს ამხელს. საინტერესოა, რატომ? შეიძლება ვივარაუდოთ, რომ მას ზედმეტი ყურადღების მიქცევა არ სურს... ან, უბრალოდ, ჯენი მეტად მოსწონს.


ნიკოლ პრასკოვია ელიკოლანი ვალიენტე შერზინგერი



ნიკოლ შერზინგერი პასპორტის მიხედვით ნიკოლ პრასკოვია ელიკოლანი ვალიენტე შერზინგერია. და თუ ამ შავგვრემან გოგონას შეხედავთ, ადვილად დაუშვებთ, რომ ის შეიძლება იყოს ელიკოლანი ვალიენტე, აი, პრასკოვია კი ბევრ კითხვის ნიშანს აჩენს... არადა ყველაფერი არც ისე რთულადაა. საქმე ისაა, რომ პრასკოვია ვარსკვლავის ბებიას ერქვა, რომელიც უკრაინაში დაიბადა და ლათინურ ამერიკაში ემიგრირდა, ცოლად ჰავაიელს გაჰყვა და შეეძინა გოგონა როუზი, ნიკოლის დედა. ისე, ნიკოლმა ცოტა რუსულიც იცის. მისი საყვარელი ფრაზაა: „გამარჯობა, მე პრასკოვია მქვია“.


ჯასტინ დრიუ ბიბერი



ჯასტინსაც აქვს მეორე სახელი - ჯასტინ დრიუ. თუმცა, კარიერის დასაწყისში ჯასტინმა გადაწყვიტა, რომ მხოლოდ ერთ სახელს დაიტოვებდა - ჯასტინს. და ის სულაც არ დაუბრკოლებია იმ ამბავს, რომ იმ დროს სცენაზე უკვე იდგა ერთი ჯასტინი. რა თქმა უნდა, ტიმბერლეიკზეა საუბარი.


ჰო, მართლა, ტიმბერლეიკსაც აქვს მეორე სახელი და საკმაოდ უცნაურიც - რენდელი.


კრისტოფერ ეშტონ კატჩერი



კატჩერს რომ სხვა ჰოლივუდელებისთვის მიებაძა და პირველი სახელი დაეტოვებინა, კრისტოფერ კატჩერად იქნებოდა ცნობილი, მაგრამ მას მეორე სახელი უფრო მოსწონს - ეშტონი. თუმცა ამის მიზეზი არასოდეს აუხსნია. კატჩერმა და მისმა მეუღლემ მილა კუნისმა თავიანთ შვილებსაც ორ-ორი სახელი დაარქვეს. გოგონას უაიტ იზაბელი ჰქვია, ვაჟს კი - დმიტრი პორტვუდი. ეჭვგარეშეა, რომ ვაჟის სახელი მილამ აირჩია. მილა ხომ უკრაინელი მილენა მარკოვნაა.


უმა კარუნა თურმანი



მომავალ ვარსკვლავს - უმა კარუნა თურმანს ეს სახელი ინდუსების ქალღმერთის პატივსაცემად დაარქვეს. საქმე ისაა, რომ მსახიობის მამა აღმოსავლური რელიგიების შესწავლით იყო გატაცებული და ლექციების კურსსაც კი კითხულობდა კოლუმბიის უნივერსიტეტში. უმას დედა კი, ბარონესა ნენა ფონ შლენბიურგე, მოდელი გახლდათ, თუმცა ახლა ფსიქოთერაპევტად მუშაობს.


ჯონ კრისტოფერ დეპი



ჯონი დეპის მეორე სახელის შესახებ ბევრმა არ იცის. პასპორტით ის ჯონ კრისტოფერ დეპია. ამ სახელს ატარებდა მამამისიც, რომელიც ინჟინრად მუშაობდა. ჯონი დეპის ქალიშვილიც, რომელიც მას ვანესა პარადისგან ჰყავს, მოდელი ლილი-როუზ დეპი მესამე სახელსაც ატარებს - მელოდის.


ენ ჟაკლინ ჰეთეუეი



მსახიობს ეს სახელი უილიამ შექსპირის ცოლის ენ ჰეთეუეის პატივსაცემად დაარქვეს. მეორე სახელს - ჟაკლინს კი ის არ ატარებს, მიუხედავად იმისა, რომ ძალიან ვარსკვლავურად ჟღერს. ან იქნებ იმიტომ თქვა უარი ამ სახელზე, რომ ის ვინმეს კიდევ ერთ მსახიობში - ჟაკლინ ბისეტში არ არეოდა?


ჰიუ ჯონ მუნგო გრანტი



ჰიუ გრანტის სრული სახელია ჰიუ ჯონ მუნგო გრანტი. ასეთი არისტოკრატიულობა შემთხვევითი სულაც არ არის. მსახიობის გენეალოგიურ შტოზე სერიალების გადაღება შეიძლება. მის სანათესაოს ეკუთვნის ბრიტანელი პოლიტიკოსი ევან ნეპინი, ბრიტანეთის ყოფილი პრემიერ-მინისტრის სპენსერ პერსევალის და... გასაკვირი არაა, რომ კინოკარიერის დაწყებამდე ჰიუმ ბრწყინვალე განათლება მიიღო ოქსფორდის უნივერსიტეტში. მიუხედავად ამისა, ის ძალიან უბრალოა ურთიერთობებში და ყველას ჰიუდ ეცნობა.


კამერონ მიშელ დიასი



კამერონ დიასი თამამად შეიძლებოდა მიშელ დიასი ყოფილიყო. არავინ იცის მიზეზი, რატომ აირჩია დიასმა მაინცდამაინც კამერონი. რაც შეეხება მის გვარს, მას ლათინოამერიკული ფესვები აქვს და  ძალიან პოპულარულია.


ბენ გაზა აფლეკ-ბოლდტი



პასპორტით - ბენჯამენ გაზა აფლეკ-ბოლდტი. აქ ყველაფერი მარტივადაა: მსახიობმა ბენჯამენი ბენად შეამოკლა, მეორე სახელზე უარი თქვა, ორი გვარიდან კი, რომლებიც მშობლების გვარებიდანაა წარმოქმნილი, მხოლოდ პირველი ნაწილი დაიტოვა. ასევე მოიქცა მისი ძმაც, კინომსახიობი კეისი აფლეკი - კალებ კეისი მაკგუაირ აფლეკ-ბოლდტი. 

წყარო
დღის ჰოროსკოპი

18 თებერვლის ასტროლოგიური პროგნოზი

რას გვირჩევენ ვარსკვლავები 18 თებერვლისთვის  ჯანმრთელობის, ბიზნესის და სიყვარულის მიმართულებით?
ურთიერთობა

ერთი პატარა ისტორია საყვარლის ცხოვრებიდან

ეს ამბავი საბჭოთა დროში მოხდა, თუმცა, ალბათ, ყოველთვის აქტუალური იქნება, ნებისმიერ ქვეყანაში და ნებისმიერ წყობაში.
დღის ჰოროსკოპი

17 თებერვლის ასტროლოგიური პროგნოზი

რას გვირჩევენ ვარსკვლავები 17 თებერვლისთვის ჯანმრთელობის, ბიზნესის და სიყვარულის მიმართულებით?
იცით თუ არა...

შეამოწმეთ, არის თუ არა თქვენში თავადის გენი!

თავადაზნაურობა ყოველთვის გამორჩეული იყო უნიკალური შინაგანი თვისებებით, რომლებიც დროთა განმავლობაში არ ხუნდება და უცხო პირობებშიც არ იკარგება. მათი არც სწავლა შეიძლება და არც დავიწყება. თქვენ ან გაქვთ ეს თვისებები, ან არ გაქვთ.
კინო

ვინ არის ეს უცნობი ქალი მსოფლიო ვარსკვლავების გვერდით?

ბელგიაში ერთ-ერთ ბუკინისტურ მაღაზიაში იპოვეს ფოტოალბომი, ძალიან ბევრი ფოტოთი. თითქოს არაფერია უცნაური, მაგრამ ყველა ფოტოზე აღბეჭდილია ერთი და იგივე ქალბატონი, რომელთანაც პლანეტის ცნობილი ადამიანები პოზირებენ!
დღის ჰოროსკოპი

16 თებერვლის ასტროლოგიური პროგნოზი

რას გვირჩევენ ვარსკვლავები 16 თებერვლისთვის ჯანმრთელობის, ბიზნესის და სიყვარულის მიმართულებით?
კულინარია

არისტოკრატების საუზმე - ერბოკვერცხი „ორსინი“ (2 რეცეპტი)

ერბოკვერცხის მომზადების სრულიად გენიალური ხერხი დიდი იმპრესიონისტის კლოდ მონეს რეცეპტების წიგნიდან!
დღის ჰოროსკოპი

15 თებერვლის ასტროლოგიური პროგნოზი

რას გვირჩევენ ვარსკვლავები 15 თებერვლისთვის ჯანმრთელობის, ბიზნესის და სიყვარულის მიმართულებით?
FUN-ტესტი

გაიგეთ, ვინ იყავით წინა ცხოვრებაში და გამოასწორეთ შეცდომები

ამისთვის გაიარეთ ეს მარტივი ტესტი - დაუფიქრებლად აირჩიეთ ერთ-ერთი საათი, ოღონდ ამ დროს მხოლოდ საკუთარ ინტუიციას დაეყრდენით. მხოლოდ ასე მიიღებთ ზუსტ შედეგს.
დღის ჰოროსკოპი

14 თებერვლის ასტროლოგიური პროგნოზი

რას გვირჩევენ ვარსკვლავები 14 თებერვლისთვის ჯანმრთელობის, ბიზნესის და სიყვარულის მიმართულებით?
იცით თუ არა...

6 ნივთი, რომელიც ხელს უშლის კეთილდღეობას - როგორც სახლში, ასევე კომპანიების ოფისებში!

თავისთავად ნეგატიური და პოზიტიური ნივთი არ არსებობს, მაგრამ არასწორად განლაგებით, როგორც ფენ-შუი განმარტავს, ნივთებმა შესაძლოა კეთილდღეობას, ურთიერთობებს, ჯანმრთელობას საფრთხე შეუქმნას...  
ამბები

 „სმარტი“ ზუგდიდში მეორე სუპერმარკეტს ხსნის

სუპერმარკეტი „სმარტი“ რეგიონულ განვითარებას განაგრძობს და ზუგდიდში, აღმაშენებლის ქ #89-ში მდებარე „ვისოლის“ ავტოგასამართ სადგურზე ახალ სუპერმარკეტს ხსნის.