ინგრედიენტები:
არაჟანი - 500-600 გრ.
ჟელატინი - 30 გრ.
სხვადასხვა ფერის ჟელატინი - სამი-ოთხი 90-გრამიანი შეკვრა.
კრეკერი - 300-500 გრ.
შაქარი - დაახლოებით, 200 გრ.
ხილი (ბანანი, კივი, ფორთოხალი, ვაშლი და სხვ.) - გემოვნებით
მომზადების წესი:
მოქმედება 1:
ჟელატინი შეფუთვაზე მითითებული წესით დაალბეთ თბილ წყალში.
ასევე, შეფუთვაზე მითითებული რეცეპტის მიხედვით, ცალ-ცალკე ჯამებში მოამზადეთ ფერადი ჟელატინის თითოეული ფერი. მხოლოდ ნაკლები წყალი დაუმატეთ, რათა უფრო მყარი კონსისტენციის ჟელე გამოგივიდეთ.
ჟელე თხელ თეფშებზე დაასხით და გრილ ადგილას მოათავსეთ.
მოქმედება 2:
არაჟანი და შაქარი მიქსერით კარგად ათქვიფეთ, ვიდრე შაქარი ბოლომდე არ გადნება.
გაღვივებული ჟელატინი ორი წუთით დაბალ ცეცხლზე დადგით. განუწყვეტელი მორევით გაადნეთ, შემდეგ კი ათქვეფილ არაჟანს დაუმატეთ და კარგად მოურიეთ.
მოქმედება 3:
გამაგრებული ფერადი ჟელე ლამაზ კუბიკებად დაჭერით და არაჟნიან მასას დაუმატეთ.
ბოლოს დაუმატეთ კრეკერი და ხის კოვზით ფრთხილად მოურიეთ.
მოქმედება 4:
ლამაზ ფორმას ძალიან თხლად წაუსვით ცხიმი (სილიკონის ფორმას არ სჭირდება) და ზედ არაჟნიანი მასა გადაიტანეთ.
ფორმა რამდენიმე საათით შედგით მაცივარში.
მოქმედება 5:
როცა ჟელატინის ტორტი კარგად გაცივდება, მაცივრიდან გამოიღეთ და რამდენიმე წამით ფორმა ცხელ წყალში ჩაუშვით. ასე ფორმას ადვილად მოსცილდება და ტორტს ლანგარზე ადვილად გადმოაბრუნებთ.
ფორმიდან ამოღების შემდეგ, ტორტი კიდევ ნახევარი საათით შედგით მაცივარში.
შენიშვნა:
კრეკერის ნაცვლად, დაჭრილი ბისკვიტის გამოყენება შეგიძლიათ.
ხილი აუცილებელი არ არის და თქვენს გემოვნებაზეა დამოკიდებული.
გემრიელად მიირთვით!