პროდუქტი „ატმისთვის“:
ფქვილი- 3-3,5 ჭიქა,
კარაქი - 60 გრ.
არაჟანი - 1 ს/კ.
შაქარი - 1 ჭიქა,
გამაფხვიერებელი - 1 ჩ/კ.
ვანილი
კრემისთვის:
მოხარშული შესქელებული რძე - ნახ. ქილა,
ნიგოზი - 50 გრ.
ნამცხვრის ბუნებრივი საღებავისთვის:
1 ცალი ჭარხლის და 1 ცალი სტაფილოს წვენი
მომზადების წესი:
ოთახის ტემპერატურაზე დარბილებული კარაქი შაქართან ერთად ათქვიფეთ. დაუმატეთ ათქვეფილი კვერცხი, ვანილი, არაჟანი და კარგად აურიეთ.
ერთმანეთში არეული ფქვილი და გამაფხვიერებელი დაუმატეთ კვერცხიან და კარაქიან მასას და რბილი ცომი მოზილეთ, რომელიც ხელზე არ მოგეწებებათ.
ცომი პატარა ნაჭრებად დაანაწილეთ და ბურთები გააკეთეთ.
ცომის ბურთები შუაში გაჭერით და ცხიმწასმულ თუნუქის ფურცელზე დაალაგეთ. „ატმები“ 180 გრ. გახურებულ გაზქურაში 20-25 წუთის მანძილზე უნდა აცხოთ.
„ატმის“ ნახევრები გააცივეთ და პატარა კოვზით თითოეულს ღრმულები გაუკეთეთ.
„ღრმულში“ ნიგოზი ჩადეთ და თავზე მოხარშული, შესქელებული რძე გადაუსვით. „ატმების“ ნახევრები ერთმანეთთან შეაერთეთ და გაალამაზეთ. ამისთვის ნამცხვრის ერთი გვერდი სტაფილოს წვენში ამოავლეთ, მეორე კი ჭარხლის წვენში. შემდეგ თითოეული „ატამი“ შაქარში კარგად ამოავლეთ და მწვანილის ფოთლებით მორთეთ.
გემრიელად მიირთვით!