ცომისთვის:
წყალი - 250 მლ.
ფქვილი - 180 გრ.
კარაქი - 100 გგრ.
კვერცხი - 4 ც.
მარილი - 0,5 ჩ/ჭ.
კრემისთვის:
რძე - 300 მლ.
33%-იანი ნაღები - 200 მლ.
მასკარპონე - 250 გრ.
შაქარი - 200 გრ.
ფქვილი - 30 გრ.
კარტოფილის სახამებელი - 50 გრ.
ვანილი - დანის წვერით
მარილი - მწიკვი
გასაფორმებლად მარწყვი ამ ჟოლო.
მომზადების წესი:
1 მოქმედება:
ჯამში ჩაასხით წყალი, ჩაყარეთ მარილი და კარაქი წამოადუღეთ და მთელი ფქვილი ერთბაშად დაუმატეთ. ყველაფერი კარგად აურიეთ ან მიქსერით ათქვიფეთ და კვერცხები სათითაოდ დაუმატეთ.
ცომს მანამდე ურიეთ, სანამ ხელს არ მოსცილდება.
ამის შემდეგ ცომის ნაწილი ჩადეთ საკონდიტრო ტომარაში და ცხიმწასმული თუნუქის ფურცელზე შუს ფორმის რამდენიმე ბურთი დასვით.
დარჩენილი ცომი ცხიმწასმული პერგამენტის ქაღალდზე თანაბრად გაანაწილეთ და „შუებთან“ ერთად, 30 წუთის განმავლობაში, 200 გრადუსზე გამოაცხვეთ.
როგორც კი ნამცხვარი გაცივდება, პერგამენტის ქაღალდი მოაცილეთ და ლანგარზე გადაიტანეთ.
მე-2 მოქმედება:
კრემის მოსამზადებლად, ქვაბში 200 გრამი რძე ჩაასხით, დაუმატეთ ფქვილი, შაქარი, სახამებელი და კარგად მოურიეთ. ბოლოს დაუმატეთ დარჩენილი რძე, ნაღები, ვანილი და მწიკვი მარილი.
ქვაბი დაბალ ცეცხლზე დადგით და კრემი შეუჩერებელი მორევით, გასქელებამდე მიიყვანეთ.
შემდეგ ცეცხლიდან გადმოდგით, ჯამში გადაიტანეთ და გააგრილეთ.
მე-3 მოქმედება:
მასკარპონე კარგად ათქვიფეთ, ნელ-ნელა დაუმატეთ გაციებული კრემი, ვანილი და თქვიფეთ, სანამ კარგად არ აფუმფულდება.
მე-4 მოქმედება
ნამცხვრის ფირფიტა შუაზე გაჭერით და კრემის ნახევარი თანაბრად წაუსვით. მოაყარეთ მარწყვი ან ჟოლო და დარჩენილი კრემიც გადაუსვით. დააფარეთ თავისავე ნახევარი და კრემით ავსებული „შუებით“ და მარწყვით გააფორმეთ.
სასურველია, ნამცხვარი რამდენიმე საათით მაცივარში მოათავსოთ.
გემრიელად მიირთვით!