ინგრედიენტები:
კარაქი - 180 გრ.
შაქრის პუდრა - 120 გრ.
კვერცხი - 1 ცალი,
ფქვილი - 350 გრ.
კაკაო - 2 ჩ/კ
მიხაკი - 1 ცალი,
მწვანე საკონდიტრო საღებავი - 2-3 წვეთი,
ლიმონის ცედრა - 1 ჩ/კ.
მომზადების წესი:
1. ოთახის ტემპერატურაზე დარბილებული კარაქი ათქვიფეთ შაქრის პუდრასთან ერთად, ერთგვაროვანი კონსისტენციის მიღებამდე. თქვეფის პროცესში დაუმატეთ კვერცხი. ბოლოს ფქვილი და ცედრა და მოზილეთ რბილი და ელასტიkური ცომი, რომელიც ხელებზე არ მიგეკრობათ.
2. ცომი გაყავით სამ ნაწილად. პირველი ნაწილი ყველაზე დიდი უნდა იყოს, მეორე - შედარებით პატარა და მესამე - მეორეზე მომცრო.
3. ყველაზე დიდ ცომს დაუმატეთ მწვანე საღებავი და მოზილეთ, რომ ერთი ფერი მიიღოს. მეორე ცომის გუნდას არაფერი დაუმატოთ, მესამეს კი კაკაო დააყარეთ და 1-ლი ცომის მსგავსად, მოზილეთ. სამივე ცომის გუნდა საყინულეში 5 წუთით შეინახეთ.
4. მწვანე ცომი მართკუთხედის ფორმაზე (25სმX7სმ) გააბრტყელეთ. უფერო ცომს მილის ფორმა მიეცით, მწვანე მართკუთხედზე დადეთ და რულეტივით დაახვიეთ. ამის შემდეგ პოლიეთილენის პარკში გაახვიეთ და 3 წუთით საყინულეში შეინახეთ.
5. გააბრტყელეთ ყავისფერი ცომი (25სმX12სმ), საყინულედან გამოღებული ცომი დაადეთ და როგორც წინა შემთხვევაში, რულეტივით გადაახვიეთ. ნამცხვარი ლამაზი რომ გამოვიდეს, „რულეტი“ ისევ პოლიეთილენის პარკში გაახვიეთ და მაგიდაზე ცომის საბრტყელებელივით, რამდენჯერმე გადააგორეთ. ამის შემდეგ, 3 წუთით ისევ საყინულეში შეინახეთ.
6. საყინულედან გამოღების შემდეგ, ცომი დაახლოებით 3 სმ-ის სისქის რგოლებად დაჭერით და საცხობ ქაღალდზე დაალაგეთ. ბოლოს თითოეულ „კივის“ მწვანე ნაწილზე მიხაკი მოაყარეთ და წინასწარ, 180 გრადუსზე გაცხელებულ ღუმელში დაახლოებით 10-13 წუთის განმავლობაში გამოაცხვეთ. გემრიელად მიირთვით.