„სადღესასწაულო განწყობა“ - გემრიელი და მარტივად მოსამზადებელი სალათი

სალათის მოსამზადებლად დაგჭირდებათ:
დამარინადებული სოკო (შამპინიონი) – 200 გრ;
კონსერვირებული სიმინდი - 150 გრ;
მწვანე ხახვი - 2 ცალი;
ლიმონი - ½ ცალი;
მაიონეზი - 150 გრ;
მოხარშული ძროხის ხორცი - 200 გრ;
ოხრახუში და კამა - 50 გრ;
მცენარეული ზეთი - 2 ს/კ;
მარილი - გემოვნებით;
შაქარი - 1 ჩ/კ.

„სადღესასწაულო განწყობის“ მომზადების წესი:
პირველ რიგში, დადგით ძროხის ხორცი მოსახარშად.
მრგვალად დაჭრილი მწვანე ხახვი გადაიტანეთ მოზრდილ ჯამში. დაამატეთ ხახვს შაქარი, მარილი, მოასხით მცენარეული ზეთი და ლიმონის წვენი. კარგად გადაურიეთ და დატოვეთ 30 წუთით.

როგორც კი ხორცი მოიხარშება, დაჭერით წვრილად. დაამატეთ, ასევე, წვრილად დაჭრილი სოკო და მწვანილები.

სალათს დაამატეთ სიმინდი, მაიონეზი და ცალკე ჯამში დამარინადებული ხახვი. შემდეგ კი ყველა პროდუქტი ერთმანეთში საგულდაგულოდ გადაურიეთ.
სალათი შეგიძლიათ გააფორმოთ მწვანილებით და სოკოთი.

შენიშვნა:
სალათის მოსამზადებლად სასურველია, შეარჩიოთ ძროხის რბილი ხორცი;
სალათში მაიონეზი შეგიძლიათ, არაჟნით ჩაანაცვლოთ.

გემრიელად მიირთვით!