ბოსტნეულის რაგუს მოსამზადებლად საჭიროა:
- საშუალო კარტოფილი - 4 ცალი;
- სტაფილო - 2 ცალი;
- ყაბაყი - 1 ცალი;
- პომიდორი - 4 ცალი;
- ბადრიჯანი - 1 ცალი;
- მწვანე ლობიო და ბარდა - 1 ჭიქა;
- ხახვი - 1 თავი;
- ზეითუნის ზეთი - 6 სუფრის კოვზი;
- პურის ფქვილი - 2 სუფრის კოვზი;
- ტომატი - 2 სუფრის კოვზი;
- ოხრახუში, კამა, დაფნის ფოთოლი, მარილი, შავი პილპილი და ნიორი - გემოვნებით.
მომზადების წესი:
- გასუფთავებული და გარეცხილი კარტოფილი, ყაბაყი, სტაფილო, ბადრიჯანი, ხახვი და ოხრახუში დაჭერით კუბიკებად და მოთუშეთ ღრმა ტაფაში, სანამ ბოსტნეული ოქროსფერს არ მიიღებს.
მოხალეთ ფქვილი, გახსენით წყალში ან ბულიონში და დაამატეთ ტომატი. კარგად მოურიეთ და მოასხით ბოსტნეულს. შემდეგ დაამატეთ მარილი და თუშეთ დაბალ ცეცხლზე 15 წუთით.
ბოლოს დაამატეთ მოხარშული და დაჭრილი მწვანე ლობიო, ბარდა, პომიდორი, მწვანილები, დაფნის ფოთოლი და დაჭყლეტილი ნიორი.
დახურეთ თავსახური, დაელოდეთ წამოდუღებას და გაზქურა გამორთეთ.
სუფრაზე მიტანამდე დაამატეთ წვრილად დაჭრილი კამა.
შენიშვნა:
ბოსტნეულის რაგუს, სურვილისამებრ, შეგიძლიათ, სხვა მწვანილიც დაამატოთ, მაგალითად, რეჰანი;
მოსამზადებლად 20 წუთი საკმარისია;
შეგიძლიათ მიირთვათ როგორც ცხლად, ასევე ცივად.
გემრიელად მიირთვით!
