მოსამზადებლად საჭიროა:
ჭარხალი - 2 ცალი;
წყალი - 1, 5 ლიტრი;
შაქარი - 1 ჩ/კ;
ნახევარი ლიმონის წვენი;
ძმარი - 1 ჩ/კ;
კიტრი - 1 ცალი;
კვერცხი - 4 ცალი;
არაჟანი - გემოვნებით;
მწვანე ხახვი, კამა - 50 გრ;
მარილი - გემოვნებით.
მომზადების წესი:
კარგად გარეცხილი ჭარხალი მოხარშეთ, გახეხეთ და დააბრუნეთ ჭარხლის ნახარშში.
დაამატეთ შაქარი, ლიმონის წვენი, ძმარი და მარილი. შემდეგ კი დაელოდეთ მის გაციებას.
წვნიანი პორციების მიხედვით თეფშებზე გადაიტანეთ, დაამატეთ დაჭრილი კიტრი და მოხარშული (დაჭრილი) კვერცხი, წვრილად დაჭრილი მწვანე ხახვი, კამა და 1 სუფრის კოვზი არაჟანი.
სულ ეს არის.
შენიშვნა:
ცივი წვნიანის მოსამზადებლად 20 წუთი საკმარისია;
თუკი შენიშნავთ, რომ სქელი გამოგივიდათ, უბრალოდ, ცივი წყალი დაასხით და ასე გათხელეთ.
გემრიელად მიირთვით!