სალათის მოსამზადებლად საჭიროა:
კონსერვირებული სიმინდი - 1 ქილა;
ყველი - 150 გრ;
პომიდორი ჩერი - 15 ცალი;
კიტრი - 2 ცალი;
სალათის ფურცლები - გემოვნებით;
შავი ზეთისხილი - 15-20 ცალი;
მწვანილები - გემოვნებით;
ზეთი - 3-4 ს/კ;
ღვინის ძმარი - 2 ს/კ;
შავი პილპილი და მარილი - გემოვნებით.
სალათის მომზადების წესი:
გახსენით კონსერვირებული სიმინდი, გადაუწურეთ წყალი და გადაიტანეთ მარცვლები საწურზე;
გარეცხილი პომიდორი გააშრეთ და გაჭერით შუაზე (ჩერის შემთხვევაში) ან რამდენიმე ნაწილად, თუკი სხვა სახეობის პომიდორი გაქვთ. კიტრი და ყველი კი დაჭერით კუბიკებად;
თუკი უკურკო ზეთის ხილი გაქვთ, შეგიძლიათ, პირდაპირ მოაყაროთ სალათს ან, სურვილის შემთხვევაში, შუაზე გაჭრათ.
კარგად გარეცხილი მწვანილი დაჭერით წვრილად, ხოლო სალათის ფურცლები დაანაკუწეთ ხელით.
ზემოჩამოთვლილი დაჭრილი პროდუქტები გადაიტანეთ მოზრდილ სასალათეზე, მოასხით ძმარი და ზეთი, ხოლო შემდეგ მოაყარეთ მარილი და შავი პილპილი. კარგად გადაურიეთ და გააჩერეთ მაცივარში 5-10 წუთით.
შენიშვნა:
სალათი შეგიძლიათ მაიონეზით შეაზავოთ, ოღონდ ამ შემთხვევაში მას ზეთი და ძმარი არ დასჭირდება;
სალათის მოსამზადებლად ჩამოთვლილი პროდუქტები საკმარისია 4 ულუფისთვის;
სალათის მოსამზადებლად 15 წუთი საკმარისია.
გემრიელად მიირთვით!