უნაზესი „ჩიტის რძე“ - ტორტი ცხობის გარეშე

ტორტისთვის საჭირო ინგრედიენტები:
ჟელატინი - 16 გრ.
რძე - 1 ჭიქა,
შაქარი - 1 ჭიქა,
არაჟანი - 450 გრ.
ცივი, ათქვეფილი ნაღები - 450 გრ.

მინანქრისთვის:
კაკაო - 5 ს/კ.
შაქარი - 5 ს/კ.
ჟელატინი - 8 გრ.
რძე- 5 ს/კ.
ცივი წყალი - 1 ჭიქა.

მომზადების წესი:

1. პატარა ქვაბში აურიეთ რძე და ჟელატინი. 10 წუთი გააჩერეთ და დაბალ ცეცხლზე დაადგით. ხელის სათქვეფით ურიეთ, სანამ რძე ქაფს არ მოიყენებს (არ უნდა ადუღდეს). შემდეგ ქვაბი ცეცხლიდან გადმოდგით და გააგრილეთ.
2. დაახლოებით 20x30 სმ. ზომის მინის ფორმას შიდა მხრიდან ზეთი წაუსვით.
3. მიქსერით კარგად ათქვიფეთ შაქარი, არაჟანი და ნაღები, ისე რომ ერთგვაროვან მასად იქცეს. თქვეფის შეუჩერებლად დაუმატეთ რძე და ჟელატინი.
4. ათქვეფილი მასა მინის ფორმაში ჩაასხით, ზედაპირი გაუსწორეთ, თავზე დააფარეთ და მაცივარში შედგით.
5. მინანქრის მოსამზადებლად, ჯამში კარგად აურიეთ კაკაო, შაქარი და ჟელატინი. დაუმატეთ წყალი და რძე. დადგით დაბალ ცეცხლზე და განუწყვეტელი მორევით ადუღებამდე მიიყვანეთ. გაითვალისწინეთ, რომ მინანქარი პრიალა და ერთგვაროვანი უნდა იყოს. ჯამი ცეცხლიდან გადმოდგით და გააგრილეთ.
6. გაცივებული მინანქარი ფრთხილად დაასხით ტორტს, ზედაპირი გაუსწორეთ და მაცივარში, მინიმუმ, 5 საათით დატოვეთ.

გემრიელად მიირთვით!