სალათის მოსამზადებლად საჭიროა:
ქათმის ფილე - 300 გრ;
კარტოფილი - 300 გრ;
სტაფილო - 350 გრ;
ნიგოზი - 140 გრ;
კვერცხი - 4 ცალი;
მაიონეზი - 300 გრ;
ბროწეული - ნახევარი.
მომზადების წესი:
კანგაცლილი სტაფილო და კარტოფილი მოხარშეთ. გააგრილეთ და საშუალო ზომებად დაჭერით, ოღონდ დაჭრილი ბოსტნეული ცალ-ცალკე თეფშებზე შეინახეთ.
ქათმის ფილე და კვერცხი მოხარშეთ და ზუსტად ისეთივე ზომებად დაჭერით, როგორც კარტოფილი და სტაფილო;
გახეხეთ ყველი და გადაიტანეთ ცალკე თეფშზე.
ასევე, გაფრცქვენით ბროწეული და მარცვლები ჭიქაში ჩაყარეთ.
ახლა სალათის აწყობის დროც დადგა:
მოიმარჯვეთ სასალათე ფორმა. პირველ ფენად დააწყვეთ კარტოფილი, შემდეგ დაჭრილი ქათმის ფილე.
მოასხით ზემოდან ცოტაოდენი მაიონეზი და ზედაპირზე კარგად გადაანაწილეთ.
შემდეგ, ზემოდან მოაყარეთ ნიგვზის მთელი ლებნები, ყველი და კვლავ მაიონეზი მოასხით.
ამ ყველაფერს თავზე მოაყარეთ გახეხილი სტაფილო და დაჭრილი კვერცხი.
სულ ბოლოს მოაყარეთ ბროწეულის მარცვლები. აკურატულად მოხსენით ფორმა და სალათიც მზად არის,
შენიშვნა:
სალათისთვის ფორმის მისაცემად შეგიძლიათ გამოიყენოთ ნებისმიერი ფიალა.
სალათი შესანიშნავია, როგორც სადღესასწაულო, ასევე, რომანტიკული ვახშმისთვის.
გემრიელად მიირთვით!