საჭირო პროდუქტი:
სტაფილო - 300 გრ;
მცენარეული ზეთი - 1-2 სუფრის კოვზი;
ნიორი - 2-3 კბილი;
სოიოს სოუსი - 2 სუფრის კოვზი;
თაფლი - ½ სუფრის კოვზი;
წითელი ღვინო (მშრალი) – 80 მლ;
ტაბასკო (ცხარე სოუსი, იყიდება მარკეტებში) - გემოვნებით;
ოხრახუში - 1 კონა;
მარილი - გემოვნებით.
მომზადების წესი:
ახალი სტაფილო საგულდაგულოდ გარეცხეთ და გაასუფთავეთ. გაჭერით შუაზე. ბოლოები არ მოაჭრათ, სილამაზისთვის დაუტოვეთ.
დადგით ტაფა ცეცხლზე, დაასხით ზეთი, დაყარეთ წვრილად დაჭრილი ნიორი და 1-2 წუთი მოთუშეთ, სანამ ნივრის არომატს არ იგრძნობთ.
აიღეთ ნიორი ტაფიდან და ამჯერად სტაფილო მოთუშეთ საშუალო ცეცხლზე, 2-3 წუთის განმავლობაში. დროდადრო ურიეთ.
სანამ სტაფილო ითუშება, ჯამში ჩაასხით წითელი მშრალი ღვინო, სოიოს სოუსი, 1-2 წვეთი ტობასკო და თაფლი. თუკი ღვინო ტკბილია, ბალანსისთვის აუცილებლად დაგჭირდებათ ცოტაოდენი ძმარი ან ლიმონის წვენი.
ეს მასა დაასხით ტაფაზე მოთუშვის პროცესში მყოფ სტაფილოს და განაგრძეთ მოთუშვა, 10-15 წუთით, სანამ სტაფილო კარგად არ მოითუშება. შიგადაშიგ არ დაგავიწყდეთ მორევა. ამ დროში ღვინო სრულიად აორთქლდება.
მოთუშული სტაფილო გადაიტანეთ სასალათე თეფშზე და გაალამაზეთ ოხრახუშით. სულ ეს არის.
შენიშვნა:
„მთვრალი სტაფილოს“ მოსამზადებლად 30 წუთი საკმარისია.
ნივრის მოთუშვის დროს გაზქურას არ მოშორდეთ და მუდმივად ურიეთ, რათა ნიორი არ მიგეწვათ.