საჭირო პროდუქტი:
რძე - 200 მლ
კარაქი (დარბილებული) – 50 გრ
შაქარი - 5 ს/კ
ზეთი - 3 ს/კ
ვანილის შაქარი - 1 შეკვრა
კვერცხი - 1 ცალი
მარილი - ¼ ჩ/კ
მშრალი საფუარი - 1.5 ჩ/კ
ფქვილი - 2.5 ჭიქა
ქიშმიში - 75 გრ
ყაყაჩოს მარცვლები - 3 ს/კ
მომზადების წესი:
1. ქიშმიშს დაასხით ცხელი წყალი და 10 წუთი გააჩერეთ. შემდეგ წყალი გადაასხით და ქიშმიში ხელსახოცზე გააშრეთ;
2. პატარა ქვაბში აადუღეთ ნახევარი ჭიქა წყალი. ჩაყარეთ ყაყაჩოს მარცვლები, 1 წუთი ადუღეთ და ცეცხლიდან გადმოდგით;
3. თბილ რძეში გახსენით მშრალი საფუარი. დაუმატეთ 1ჩ/კ შაქარი და 2 ს/კ ფქვილი. მოურიეთ და 10 წუთი დატოვეთ;
4. ყაყაჩოს მაცვლები საწურზე გადაიტანეთ და აცადეთ, რომ წყლისგან ბოლომდე დაიცალოს. ქიშმიშს ცოტაოდენი მარილი დაუმატეთ და კარგად აურიეთ;
5. ცალკე ჯამში აურიეთ ზეთი, მარილი, შაქარი, ვანილი და კვერცხი.
საფუარიან ჯამში ჩაყარეთ 1 ჭიქა გაცრილი ფქვილი, კარგად აურიეთ და დაუმატეთ ზეთიანი ნაზავი, ყაყაჩოს მარცვლები, ქიშმიში და კიდევ ერთხელ, კარგად მოურიეთ.
ამის შემდეგ დაუმატეთ ნახევარი ჭიქა ფქვილი და რბილი კარაქი. ცომი კარგად მოზილეთ, რომ კარაქი თანაბრად გადანაწილდეს. დაუმატეთ დარჩენილი ფქვილი და ცომის ზელა დაასრულეთ.
საჭიროების შემთხვევაში, შეგიძლიათ, რამდენიმე სუფრის კოვზი ფქვილი კიდევ დაუმატოთ. ჯამს თავზე სუფთა ტილო დააფარეთ და 1 საათით სითბოში დადგით;
6. თუნუქის ფურცელზე დააფინეთ ცხიმწასმული საკონდიტრო ქაღალდი. ამოსული ცომიდან 10 თანაბარი ზომის ბურთულა გააკეთეთ, თუნუქის ფურცელზე დაალაგეთ და 15-20 წუთით ასე დატოვეთ.
7. ფუნთუშებს თავზე ათქვეფილი კვერცხი გადაუსვით და 200 გრადუს ტემპერატურაზე გამოაცხვეთ.
გემრიელად მიირთვით!
