„ხარირას“ მოსამზადებლად საჭიროა:
ცერცვი - 70 გრ;
ოსპი - 100 გრ;
ნიახურის ძირი - 3-4 ცალი;
ქინძი, ოხრახუში და კამა - გემოვნებით;
ლაფშა - 2 ს/კ;
ხახვი - 2 ცალი;
ნიორი - 1 კბილი;
პომიდორი - 3 ცალი;
ზეითუნის ზეთი - 50 მლ.
მომზადების წესი:
მოიმარჯვეთ ღრმა, მოზრდილი ქვაბი. დაალბეთ მასში ცერცვი, ოსპი და დატოვეთ თავდახურული მთელი ღამის განმავლობაში.
მეორე დღეს შეუცვალეთ წყალი, დაამატეთ ნიახურის ძირები, მარილი და შედგით საშუალო ცეცხლზე.
როგორც კი მხვდებით, რომ მარცვლეული თითქმის მოხარშულია, დაამატეთ მას ლაფშა, წვრილად დაჭრილი მწვანილები და ადუღეთ, დაახლოებით, 7-10 წუთის განმავლობაში.
ცალკე ტაფაზე მოთუშეთ წვრილად დაჭრილი ხახვი, ნიორი და წვრილად დაჭრილი ან გახეხილი კანგაცლილი პომიდორი. როგორც კი ბოსტნეული მოითუშება, გადაიტანეთ ქვაბში. დაუმატეთ სუნელები გემოვნებით, მოურიეთ და 2 წუთში გაზქურა გამორთეთ.
შენიშვნა:
თუკი მიხვდებით, რომ „ხარიხა“ ძალიან თხელი გამოგდით, შეგიძლიათ პურის ფქვილით გაასქელოთ.
გემრიელად მიირთვი!
