საჭირო პროდუქტი:
ხაჭო - 200 გრ
რძიანი ან შავი შოკოლადი - 100 გრ
არაჟანი - 1 ს/კ
თაფლი (ან შაქარი) – 1 ს/კ
ფინიკის ჩირი ან ნუში
მომზადების წესი:
1. ხაჭო წვრილ საცერში გაატარეთ, დაუმატეთ არაჟანი და თაფლი და კოვზით კარგად აზილეთ;
2. შოკოლადი წვრილ სახეხზე გახეხეთ;
3. ხელი წყლით დაისველეთ. ხელისგულზე 1 ს/კ ხაჭო დაიდეთ და ბლინივით გააბრტყელეთ. ხაჭოს მასას შუაში ნუში ან ფინიკის ჩირი დაადეთ, დაამრგვალეთ და გახეხილ შოკოლადში ამოავლეთ;
4. ხაჭოს ბურთულები თეფშზე დაალაგეთ და მაცივარში 30 წუთით შედგით.
შენიშვნა: საფანელად, შოკოლადის ნაცვლად, შეგიძლიათ დაფშვნილი ნამცხვარი ან ქოქოსის ფანტელი გამოიყენოთ. გულსართად კი შოკოლადის ნატეხი, თხილი ან ტკბილი კენკრა.
გემრიელად მიირთვით!