მოსამზადებლად დაგჭირდებათ:
ფქვილი - 2 ჭიქა
შაქარი - 1,5 ჭიქა
არაჟანი - 4 ს/კ
კვერცხი - 4 ცალი
ხაჭო - 400 გრ
კარაქი - 100 გრ
სოდა - 1 ჩ/კ
მწიკვი მარილი
სურვილის შემთხვევაში, თხილი, ქიშმიში და ცუკატები.
მომზადების წესი:
1. შაქარი და კვერცხი კარგად ათქვიფეთ, სანამ მოცულობაში არ მოიმატებს. დაუმატეთ არაჟანი, ხაჭო, გამდნარი კარაქი, სოდა და მარილი და ყველაფერი ისევ კარგად ათქვიფეთ. ბოლოს დაუმატეთ გაცრილი ფქვილი და კარგად აურიეთ. სურვილის შემთხვევაში შეგიძლიათ თხილი, ქიშმიში ან ცუკატები დაუმატოთ.
2. ტორტის ფორმაში ჩააფინეთ ცხიმწასმული საცხობი ქაღალდი. ჩაასხით ცომი და 180 გრადუსზე გახურებულ ღუმელში 30 წუთი აცხვეთ.
3. გამომცხვარი ბისკვიტი ფორმაში გააცივეთ და სუფრასთან მიტანის წინ შაქრის პუდრა მოაფრქვიეთ.
გემრიელად მიირთვით!