სალათი არა მხოლოდ ლამაზი, არამედ წარმოუდგენლად გემრიელია. საინტერესო შეზავება „ცისარტყელას“ კიდევ უფრო მადისაღმძვრელსა და არომატულს ხდის.
„ცისარტყელას“ მოსამზადებლად დაგჭირდებათ:
ძეხვი „მონადირული“ - 300 გრ;
ბულგარული წიწაკა - 200 გრ;
კიტრი - 200 გრ;
კონსერვირებული სიმინდი - 200 გრ;
იასამნისფერი ხახვი - 70 გრ;
მოხარშული კვერცხი - 3 ცალი;
მაიონეზი - 100-150 გრ;
მდოგვი - 2 ჩ/კ;
შავი პილპილი და მარილი გემოვნებით.
მომზადების წესი:
სანამ სალათისთვის პროდუქტების გასუფთავებასა და დაჭრას შეუდგებით, პირველ რიგში, დადგით კვერცხი მოსახარშად.
ძეხვი „მონადირული“ დაჭერით პატარა ნაჭრებად და გადაიტანეთ მოზრდილ ჯამში;
ბულგარული წიწაკა გაასუფთავეთ და დაჭერით კუბიკებად. გარეცხილი და გასუფთავებული კიტრი ასევე, დაჭერით კუბიკებად. ხახვი დაჭერით მრგვალად. მოხარშული კვერცხი დაჭერით წვრილად, ისევე, როგორც სხვა პროდუქტები. დაჭრილი პროდუქტები გადაიტანეთ მოზრდილ ჯამში. დაამატეთ მაიონეზი, მდოგვი, მარილი, შავი პილპილი, კონსერვირებული სიმინდი, კარგად მოურიეთ და შედგით მაცივარში 1 საათით. სუფრასთან მიტანამდე გადაიტანეთ ლამაზ სასალათეებზე.
შენიშვნა:
„ცისარტყელას“ გალამაზება არ სჭირდება, რადგან ის წარმოუდგენლად ლამაზი გამოდის;
სალათს ასევე, შეგიძლიათ, დაამატოთ ოხრახუში და კამა.