საჭირო პროდუქტი:
კომბოსტო - 180 გრ
სტაფილო - 45 გრ
მანანის ბურღული - 10 გრ
მარილი - 3 გრ
შავი პილპილი - 1 გრ
მცენარეული ზეთი - 20 გრ
მწვანე ბარდა - 20 გრ
სუხარი - 20 გრ
ოხრახუში - 2 გრ
მომზადების წესი:
ქვაბში ჩაასხით წყალი, ჩაყარეთ მარილი და შემდეგ - კუბიკებად დაჭრილი კომბოსტო, მწვანე ბარდა და შედგით ნელ ცეცხლზე მოსახარშად.
როგორც კი კომბოსტო და ბარდა მოიხარშება, გადაიტანეთ თუშფალანგზე დასაწურად.
სტაფილო მსხვილ სახეხზე გახეხეთ და მცენარეულ ზეთში მოთუშეთ.
მოთუშული სტაფილო და უკვე დაწურული კომბოსტო და ბარდა ცალკე ქვაბში გადაიტანეთ. დაამატეთ მარილი, პილპილი, მანანის ბურღული და საგულდაგულოდ გადაურიეთ. ბოლოს წვრილად დაჭრილი ოხრახუშიც დაამატეთ.
ფარში მზადაა.
დაისველეთ ხელები, აიღეთ ფარშის ბურთულა და მიეცით მას კატლეტის ფორმა.
ამოავლეთ საფანელში და მოათავსეთ მაცივარში 1 საათით.
შეწვით ზეთში ან 180 გრადუსზე გაცხელებულ ღუმელში. როგორც კი კატლეტის ერთი მხარე ოქროსფერს მიიღებს, გადააბრუნეთ.
სულ ეს არის.
შენიშვნა:
ბოსტნეულის კატლეტს, სურვილისამებრ, შეგიძლიათ ხახვი და ნიორიც დაუმატოთ.
გემრიელად მიირთვით!