ინგრედიენტები:
ქათმის ბარკალი - 8-10 ცალი
მაგარი ყველი - 100 გრ
კვერცხი - 1 ცალი
ნიორი - 2-4 კბილი
სეზამის მარცვლები - 2-3 ჩ/კ
მარილი, შავი პილპილი, ნივრის ფხვნილი - გემოვნებით
მომზადების წესი:
1. გარეცხეთ და გააშრეთ ქათმის ბარკლები, მოაყარეთ მარილი, ნივრის ფხვნილი და სანელებლები თქვენი გემოვნებით.
2. დაჭერით ყველი თხელ ნაჭრებად და თითო-თითო ნაჭერი ჩაუდეთ ყოველ ბარკალს კანქვეშ.
3. წინასწარ გაალღვეთ გაყინული ფენოვანი ცომი და ცოტათი გააბრტყელეთ. დაჭერით ცომი დაახლოებით 1.5 სმ-იან ზოლებად. შემოახვიეთ თითოეულ ბარკალს ცომი ისე, რომ შუაში მცირე ადგილი დარჩეს.
4. დაალაგეთ გამზადებული ბარკლები ცხიმწასმულ ჟარონზე, სილიკონის ფუნჯით წაუსვით ცომს ათქვეფილი კვერცხი. შედგით ჟარონა 180 გრადუსზე წინასწარ გაცხელებულ ღუმელში 40-60 წუთით. სანამ ღუმელში შედგამთ, შეგიძლიათ, სეზამის მარცვლები მოაყაროთ.
გემრიელად მიირთვით!