ერთი ულუფისთვის:
სალათის ფოთოლი - 150 გრ
ბროკოლის ფოთლები (ან წიწმატი) – 100 გრ
ბეკონი - 60 გრ
ორცხობილა - 60 გრ
პარმეზანი (ან სულგუნი) – 60 გრ
პომიდორი (ჩერი უმჯობესია) – 50-70 გრ
მარილი გემოვნებით.
დრესინგისთვის:
ზეითუნის ზეთი და ბალზამის ძმარი, თანაბარი რაოდენობით,
მაგალითად, ორივე 50-50 მილილიტრი.
მომზადების წესი:
ტაფაზე უზეთოდ ვშუშავთ საშუალო ზომებად დაჭრილ ბეკონს და ორცხობილას (არ დაგვეწვას, მოყვითალო ელფერი უნდა ჰქონდეს).
სალათის და ბროკოლის ფოთლებს (ან წიწმატს) ხელით ვამტვრევთ და მოზრდილ თეფშზე ვალაგებთ.
ზემოდან ვაწყობთ შებრაწულ ბეკონს და ორცხობილას.
პომიდორებს ვჭრით შუაში და სალათს გვერდებზე ვულაგებთ.
სალათის ფოთლებს ზემოდან დრესინგს ვასხამთ და შემდეგ გახეხილ პარმეზანს ვაყრით.
შეგვიძლია, გასაფორმებლად ერთი პატარა, შუაში ოთხად გაჭრილი პომიდორი დავადოთ.
შენიშვნა: სალათის მომზადებას, დაახლოებით, 10 წუთი დასჭირდება.
