შემადგენლობა 4 პერსონისთვის:
½ ლიტრი რძე (1.20 ლარი);
2 ცალი კვერცხი (60 თეთრი,);
300 გრამი ფქვილი (0.50 ლარი თეთრი);
1 სუფრის კოვზი ზეთი;
პატარა ქილა „ნუთელა“ (3 ლარი);
2-3 ცალი ბანანი (1.80 ლარი)
შოკოლადის ტოპინგი.
4 პერსონისთვის კრეპის მომზადებაზე 8 ლარამდე დაგეხარჯებათ.
ბლინების მომზადების წესი:
ჯამში ვასხამთ რძეს, ვამატებთ კვერცხს და ვთქვებთ. ამის შემდეგ ვამატებთ ფქვილს, 1 სუფრის კოვზ ზეთს და ცოტაოდენი თქვეფის შემდეგ ბლინების ცომი მზადაა.
ბლინებს ვაცხობთ გახურებულ, ზეთმოსხმულ ტაფაზე - ორივე გვერდიდან 2-2 წუთი. შემდეგ ავიღებთ ტაფიდან და ვაცდით გაგრილებას.
გაგრილებული ბლინის ნახევარზე ვუსვამთ „ნუთელას“, ზემოდან მოვაწყობთ დაჭრილი ბანანის ნაჭრებს, ბლინს ოთხად ვკეცავთ, შოკოლადის ტოპინგს მოვასხამთ და ჩვენი კრეპიც მზადაა.
შენიშვნა:
შესაძლებელია, სამარხვო კრეპების გაკეთებაც. ამ შემთხვევაში რძეს ვანაცვლებთ წყლით, ხოლო "ნუთელას" - ნებისმიერი მურაბით.
გემრიელად მიირთვით!