ინგრედიენტები:
ფქვილი - 1 კგ
მარგარინი „ონა“ - 150 გრ
შაქარი - 250 გრ
კვერცხი - 2 ცალი
რძის ფხვნილი - 120 გრ ან რძე 1 ჭიქა
ვანილი - 0,5 გრ
ქიშმიში - 50 გრ
საფუარი - 2 სუფრის კოვზი.
ქადის გული:
კარაქი ან მარგარინი „უსტამი“ ან „სოფტი“ - 250 გრ
ზეთი - 50 გრ
შაქარი - 500 გრ
ფქვილი - 500 გრ
ვანილი.
ტაფაზე დაყარეთ ფქვილი და დაბალ ცეცხლზე „მოხალეთ“.
ფქვილი ოდნავ ფერს რომ შეიცვლის, დაუმატეთ შაქარი, კარაქი, ზეთი და ვანილი.
ცომის მომზადება:
ცომის მომზადება საფუარის გაღვივებით, ანუ გააქტიურებით უნდა დაიწყოთ.
საფუარი გახსენით რძეში ან წყალში, დაუმატეთ ცოტა შაქრის ფხვნილი და ფქვილი.
კარგად რომ ამოფუმფულდება, დანარჩენი ინგრედიენტებიც პირდაპირ გაღვივებულ საფუარში დაამატეთ.
ცომი, დაახლოებით, ორი საათი დააყოვნეთ.
როცა კარგად ამოვა, ამოჭერით თქვენთვის სასურველ ფორმებად და ზეთში დასველებული ხელით ამოავლეთ უკვე გამზადებულ ქადის გულში.
გამზადებული ცომის გუნდები გამოცხობამდე კიდევ დააყოვნეთ და კარგად რომ გაფუმფულდება, გამოსაცხობად შეაწყვეთ.
ცხობა, დაახლოებით, 210 გრადუსზე, 17-18 წუთის განმავლობაში მიმდინარეობს.
გამომცხვარ ფუნთუშებს თავზე შაქრის პუდრა მოაყარეთ.
გემრიელად მიირთვით!