თინუსის სალათი რესტორან „შატროს“ მზარეულ დავით გიორგბერიძის რეცეპტით.
სალათის მოსამზადებლად საჭირო ინგრედიენტები:
მჟავე კიტრი - 50 გრ;
მაიონეზი - 50 გრ;
თინუსის კონსერვი - 1 ცალი.
შავი პილპილი - 5 გრ;
სალათის ფურცლები - 50 გრ;
კიტრი - 50 გრ;
პომიდორი - 50 გრ;
კამა - 20 გრ;
მარილი - გემოვნებით.
მომზადების წესი:
გახსენით თინუსის კონსერვი, გადაუწურეთ წყალი და დაჭერით წვრილად.
დაამატეთ წვრილად დაჭრილი მჟავე კიტრი და კამა, შავი პილპილი, მარილი, მოასხით მაიონეზი და კარგად გადაურიეთ.
მომზადებული მასა გადაიტანეთ თეფშზე ან სასალათეზე და ახლა მის გაფორმებას შეუდექით.
თინუსის სალათს გარშემო შემოუწყვეთ კუბიკებად დაჭრილი კიტრი, პომიდორი და სალათის ფურცლები.
შენიშვნა:
თინუსის სალათის გასაფორმებლად შეგიძლიათ, ლიმონის ნაჭერი და ზეთის ხილიც გამოიყენოთ.
ერთი ულუფა თინუსის სალათის მოსამზადებლად საჭიროა, დაახლოებით, 15 წუთი და 5 ლარი.
